Mourinho, show në konferencë: përfshin McTominay
Fitorja e Benfikës së tij ndaj Napolit në Champions League i ka rikthyer teknikut José Mourinho dëshirën për humor dhe gjallërinë e kohërave më të mira, dhe kështu ai ka dhuruar pak spektakël gjatë konferencës për shtyp, duke zbuluar përmbajtjen e zarfit me të cilin ishte kapur pas ndeshjes, duke kënaqur kureshtjen e gazetarëve të pranishëm dhe duke theksuar raportin e veçantë që e lidh ende sot me një nga ish-lojtarët e tij: Scott McTominay, mesfushori skocez të cilin Special One e lancoi shumë të ri në kohën e Manchester United. “Çfarë ka në zarf? A është dhuratë për ne?” e pyesin në konferencë dhe Mourinho nuk e ka të vështirë të përgjigjet duke zbuluar përmbajtjen me ironi të zakonshme therëse: “Jo… zarfi është i imi. Është fanella e McTominay. E kam bërë të debutojë unë, madje kam lënë Pogba në stol për të. Minimumi që mund të bënte për të më shpërblyer ishte të më jepte fanellën e tij.” Sapo u zbulua misteri, Mourinho vazhdoi të fliste për skocezin me të cilin ka një raport që ka mbetur special: “Kemi një lidhje të fortë… kur të jetë 70 vjeç do të më kujtojë ende. Ishte i trishtuar sepse humbi, por ky është Scott: është natyra e lojtarëve fitues. Biseduam pak, ishte i dëshpëruar por më tha se është shumë i lumtur në Napoli. Po jeton një moment shumë të bukur dhe fitoi edhe çmimin e të huajit më të mirë.”Journaliste : « J'ai remarqué que vous avez un sac. Est-ce un cadeau pour l'un d’entre nous ? » Mourinho : « Ce sac est à moi. C’est le maillot de McTominay. Je l’ai titularisé, j’ai même mis Pogba sur le banc. Le moins qu’il puisse faire, c’était de me donner son… pic.twitter.com/Db039j3cpU
— José Mourinho Show (@Jmshow10) December 11, 2025
