Trajneri ironizon shortin e pafat të PSG
Mjafton kaq që tekniku të ngacmojë ironinë për “skuadrat e lehta” që janë bashkuar në rrugën e francezëve, të cilët në renditje janë në kuotën 13 pikë (vendi i tretë) dhe me kualifikimin thuajse në xhep. Në San Mamés PSG rrezikoi të binte në një kurth dhe pika e marrë aty vlen ar. “Na bënë të vuajmë në 10 minutat e fundit – shtoi trajneri. – Por ua kisha thënë lojtarëve të mi: nëse hyjmë në fushë pa përqendrim, do të na rrëzojnë. Luajtëm në një stadium mbresëlënës, fatmirësisht e përballuam presionin dhe mendoj se e merituam të fitonim.” Mbyllja i dedikohet shakasë për mundësinë që në të ardhmen të “bëjnë diçka”, të adoptojnë ndonjë hile që në urnat e shortit të bien skuadra të ndryshme nga ato të vazos së katërt: “Mungojnë edhe dy ndeshje deri në fund të grupit – tha Luis Enrique – dhe këto janë skuadrat ‘e lehta’ të grupit tonë, ato të vazos së katërt… Mirë… nëse është kështu, besoj se një ditë duhet të manipulojmë shortin, që të kemi një skuadër tjetër përballë.”“Kërcënimi” për Unai Simon, që i mbylli portën
Unai Simon është portieri i përfaqësueses spanjolle që Luis Enrique e njeh shumë mirë dhe ndaj të cilit ka pasur gjithmonë shumë vlerësim. Mbrëmjen e së mërkurës ai e bëri të “pendohej” (në mënyrë ironike) që e kishte grumbulluar te “Furitë e Kuqe”. “Kam shumë simpati për Unai. Kam marrë shumë kritika për të, por e kam bërë titullar. E meriton. Është një djalë i jashtëzakonshëm dhe një lojtar spektakolar. Mund të luajë për çdo skuadër në botë. Do të dish çfarë i thashë? Nuk do të kthehesh më në skuadër me mua… Jam shumë i lumtur për të, por edhe i trishtuar sepse mendoj se e merituam të fitonim ndeshjen.”?️ LUIS ENRIQUE se RINDE a UNAI SIMÓN en RUEDA de PRENSA pic.twitter.com/B8n31byAds
— Diario AS (@diarioas) December 11, 2025
