13 prodhues qepësh u rrëmbyennë verilindje të Nigerisë, thanë zyrtarët lokalë të shtunën, duke shënuar ngjarjen më të fundit në një seri rrëmbimesh që kanë tronditur vendin. Nigeria është goditur nga një rritje e rrëmbimeve në javët e fundit, përfshirë rrëmbimin e më shumë se 300 nxënësve të shkollës dy javë më parë, gjë që ka tërhequr vëmendjen ndërkombëtare ndaj sfidave të vazhdueshme të sigurisë në vend.
Mediat e huaja shkruajnë se Presidenti Bola Tinubu shpalli gjendjen e jashtëzakonshme, duke autorizuar rekrutimin e dhjetëra mijëra personelit shtesë policor dhe ushtarak për t'u përballur me krizën. "Rreth mesnatës, persona të panjohur të armatosur sulmuan fshatin Malar dhe rrëmbyen katërmbëdhjetë fermerë qepësh”, tha Aba Abari, kryetar i qeverisë lokale të Kondugës, duke shtuar se njëri nga rrëmbyesit më vonë arriti të arratisej.
Fermerët e kishin kaluar natën në fushat e tyre për të ujitur të mbjellat dhe për të ruajtur bagëtinë kur u rrëmbyen. Konduga ndodhet rreth 35 kilometra nga Maiduguri, kryeqyteti i shtetit Borno. Shteti Borno ka qenë epiqendra e dhunës xhihadiste në Nigeri që nga fillimi i kryengritjes së Boko Haram në vitin 2009.
Ndërsa rrëmbimet për shpërblim nga bandat e armatosura janë përqendruar kryesisht në pjesët veriperëndimore dhe qendrore të Nigerisë, raportet e fundit tregojnë një rritje të rrëmbimeve në verilindje. Tijani Ahmed, kreu i milicisë së Task Forcës së Përbashkët Civile në Konduga, konfirmoi se rrëmbyesit kanë kontaktuar familjet duke kërkuar shpërblim.
