Përdorimi i aseteve ruse të ngrira në Evropë për të siguruar financim për Kievin do të kishte “pasoja shumë serioze” për Bashkimin Evropian. Ky ishte paralajmërimi i Sergei Nechayev, ambasadorit rus në Gjermani, ndërsa kancelari gjerman dhe kryeministri belg.
“Çdo veprim që përdor fondet shtetërore ruse pa pëlqimin e Rusisë, do të ishte vjedhje. Dhe është e qartë se vjedhja e fondeve shtetërore ruse do të ketë pasoja shumë serioze", tha ambasadori i Rusisë në Berlin, Sergei Nechayev, në komentet e siguruara nga Agence France-Presse.
Për diplomatin rus, reputacioni i BE-së në botën e biznesit është në rrezik të “shkatërrohet”. Qeveritë evropiane përballen me “padi të pafundme” dhe duke hapur rrugën për “anarki ligjore dhe shkatërrim të sistemit financiar global”, me Evropën si viktimën e parë.
“Jemi të sigurt se Brukseli dhe Berlini e kuptojnë këtë”, shtoi ai.
Takimi Merz-De Wever në Belgjikë
Kancelari gjerman Friedrich Merz udhëtoi për në Belgjikë mbrëmë. Ai u përpoq të bindë kryeministrin belg Bart De Wever që të pranojë planin e Komisionit Evropian. Ata planifikojnë të përdorin fondet e ngrira ruse për të mbështetur Kievin.
Në një postim në X, pas këtij takimi, Merz foli për një shkëmbim pikëpamjesh “shumë konstruktiv”.
“Cenueshmëria e veçantë e Belgjikës në lidhje me çështjen e përdorimit të burimeve të ngrira ruse është e padiskutueshme dhe duhet të adresohet në një mënyrë që të gjitha shtetet evropiane ta marrin rrezikun në mënyrë të barabartë”, tha kancelari gjerman.
Raund i ri bisedimesh deri në Samitin e 18-19 dhjetorit
Udhëheqësit ranë dakord të “vazhdojnë bisedimet e tyre me qëllim gjetjen e një zgjidhjeje së bashku”.
Ukraina po vihet në provë si në fushat e betejës ashtu edhe në atë diplomatike. Donald Trump ushtron presion për t’i dhënë fund luftës. Zëra në Kiev dhe Bruksel e akuzojnë atë se favorizon Rusinë, ushtria e së cilës pushtoi territorin ukrainas në shkurt 2022.
Kundërshtimet e Belgjikës ndaj planit të Komisionit
Komisioni ka paraqitur një plan për përdorimin e fondeve ruse të ngrira në juridiksionin evropian. Deri më tani ka hasur kundërshtime nga Belgjika. Aty është vendi ku ndodhet Euroclear, depozita e letrave me vlerë ku ndodhen rreth 210 miliardë euro fonde ruse të ngrira, nga një total prej 235 miliardësh në BE.
Pothuajse katër vjet pas fillimit të luftës, Brukseli po kërkon një mekanizëm që nuk do të rrezikojë euron.
Për ambasadorin rus në Berlin, fakti që BE-ja po kërkon të përdorë asetet në pronësi të Rusisë tregon se evropianët nuk kanë “burimet e mëdha” që do të nevojiteshin që Ukraina të vazhdonte luftën.
