Show i Zidane, në fushë në moshën 53-vjeçare
Kampioni francez u ftua në Kinë për një ndeshje të organizuar nga Adidas, rasti perfekt për ta parë në veprim nga afër teksa shfaqte të gjitha cilësitë e tij impresionuese. Duhej të ishte një shëtitje e qetë në Shanghai për të luajtur së bashku me persona të tjerë, por u shndërrua në shoun e tij personal, që më pas u bë viral në të gjitha rrjetet sociale. Zidane nuk u kursye dhe me topin në këmbë tregoi se ende ia del për mrekulli me të gjitha numrat që e bënë të famshëm, për kënaqësinë e të pranishmëve që e ndoqën me gojën hapur.Ai i dribloi të gjithë lojtarët në fushë sikur të ishin kunja, me një lehtësi çarmatosëse dhe me elegancën që gjithmonë e ka karakterizuar. Tifozët u çmendën në çdo lëvizje të tij dhe për një çast të gjithë harruan se ai sot është 53 vjeç dhe se nuk luan më një ndeshje zyrtare që nga viti 2006. I argëtoi të gjithë me prekjen e tij magjike: asgjë nuk ishte e pamundur për të, mes driblimeve, sombrerove dhe golave me një saktësi kirurgjikale, por mbi të gjitha habit lehtësia me të cilën i uli në tokë të gjithë lojtarët kundërshtarë që përpiqeshin kot t’ia merrnin topin. Karriera e tij si futbollist ka mbetur pas prej gati dy dekadash, por flaka e talentit të tij nuk do të pushojë kurrë së shkëlqyeri.Zinedine Zidane playing pickup football recently. He’s still got it, WOW! pic.twitter.com/7w2KPjTVHf
— 10 (@Kylian) December 1, 2025
