Policia ka arrestuar një 23-vjeçar në Lezhë. I arrestuari është Xhordan Cafi, 23 vjeç banues në Shkodër. Ai u arrestua nga forcat blu, pasi qarkullonte i armatosur. Gjatë kontrollit fizik atij iu gjet 1 armë zjarri pistoletë, me krehër dhe municion luftarak, si dhe një sasi të vogël lënde narkotike, kanabis.
Objektet e gjetura u sekuestruan nga policia. Mbi Cafin rëndojnë akuzat për veprat penale “Mbajtja pa leje dhe prodhimi i armëve, armëve shpërthyese dhe i municionit” dhe “Prodhimi dhe shitja e narkotikëve”.
