Lapsi Video

Aplikacioni

Android iOS
Flash

Pse Cristiano Ronaldo u trajtua si një kryetar shteti nga Trump në Shtëpinë e Bardhë

Lapsi.al 20 November 2025
Pse Cristiano Ronaldo u trajtua si një kryetar shteti nga Trump në
Cristiano Ronaldo dhe Donald Trump së bashku në Shtëpinë e Bardhë. Pamjet bënë xhiron e botës dhe tregojnë Presidentin e Shteteve të Bashkuara të Amerikës përkrah kampionit portugez, i cili i bëri vizitë Tycoon-it në një ditë që u bë të paktën virale. Cristiano Ronaldo bënte pjesë në listën e gjatë dhe ekskluzive të të ftuarve në darkën shtetërore të organizuar nga vetë Trump në nder të princit trashëgimtar të Arabisë Saudite, Mohammed bin Salman. Cristiano Ronaldo, përveçse luan për Al Nassr, ka edhe një rol kyç si ambasador i kombit saudit në sytë e botës dhe merr pjesë shumë në nismat e atyre që i japin rreth 200 milionë në vit si pagë. Klubi i tij aktual në fakt varet drejtpërdrejt nga fondi sovran saudit. Në prani edhe të nënpresidentit të Shteteve të Bashkuara JD Vance, CEO-s së Apple Tim Cook, CEO-s së Tesla dhe SpaceX Elon Musk dhe numrit një të FIFA-s Gianni Infantino, por edhe Jeff Bezos (Amazon), Jensen Huang (Nvidia), Mary Barra (General Motors), Stephen Schwarzman (Blackstone) dhe Mike Wirth (Chevron), në fakt u luajt kapitulli i radhës i operacionit ‘sportswashing’ që po mbante përpara Cristiano Ronaldo.

Por për çfarë bëhet fjalë?

CR7 po ndihmon Arabinë Saudite të pastrojë reputacionin e saj, duke pritur dhe duke qenë i pranishëm në evente sportive që tërheqin vëmendje të madhe mediatike. Një mënyrë për të pastruar pra imazhin e vet në nivel ndërkombëtar përmes sportit. Ronaldo mori pjesë në mënyrë të papritur në takimin mes Donald Trump dhe princit trashëgimtar saudit Mohammed Bin Salman si kapitulli i radhës i një operacioni edhe më të gjerë – sidomos në nivel politik – që e përfshin atë drejtpërdrejt. Ronaldo duhet në fakt të bëhet me të gjitha efektet një ambasador i Arabisë Saudite në botën e futbollit ndërkombëtar, edhe në optikën e Kupës së Botës 2034, e cila do të zhvillohet pikërisht në vendin e Gjirit. Por nuk është e gjitha. Prania e Cristiano Ronaldos në Shtëpinë e Bardhë nuk i dedikohet vetëm këtyre arsyeve, por edhe sepse duket se ka qenë vetë kampioni portugez ai që ka kërkuar të mund të takonte presidentin amerikan Donald Trump. Sulmuesi, ish i Manchester United, Real Madrid dhe Juventus, nuk ka folur kurrë hapur për politikë gjatë karrierës së tij, por së fundmi diçka ka ndryshuar. Me sa duket CR7 e ka vlerësuar shumë punën e bërë nga Trump kohët e fundit. Mjafton të mendosh që që në qershorin e kaluar, presidenti i Këshillit Evropian Antonio Costa, bashkëkombës i Ronaldos, ka takuar Trump-in duke i dhënë një fanellë të Kombëtares portugeze të futbollit të firmosur pikërisht nga Ronaldo me dedikimin: “Për Donald J. Trump, duke luajtur për paqen”.

Të këshilluara

ide

Haga, si përfundim i një epoke të gjatë yes man-izmi

Nga drama e 16 shtatorit, që po rekemi ta konsumojmë si popujt primitivë me lotë, mallkime, ofshama dhe qurravitje duhet të dimë të nxjerrim një mësim: Këtej e tutje askush nuk do të na rrespektojë, po nuk ditëm të respektojmë vetveten. Sepse verdikti i asaj gjykate të instrumentalizuar erdhi si pasojë e servilizmit tonë të verbër ndaj perëndimit

16:25 Andi Bushati

Gënjeshtra e rezorteve elitare

Në Sazan edhe në Zvërnec qeveria po financon komplekse luksoze banimi që do pasurojnë ndërtues lokal dhe ndërkombëtarë, herë duke i hequr taksat, herë duke i çuar infrastrukturë dhe herë duke privatizuar tokën dhe plazhet publike

13:55 Blendi Kajsiu

MOTI TIRANA

19°c

KËMBIMI EURO

91.65

aktuale

Ndiqe Lapsin edhe në

Me interes nga publiku

Haga, si përfundim i një epoke të gjatë yes man-izmi

Nga drama e 16 shtatorit, që po rekemi ta konsumojmë si popujt primitivë me lotë, mallkime, ofshama dhe qurravitje duhet të dimë të nxjerrim një mësim: Këtej e tutje askush nuk do të na rrespektojë, po nuk ditëm të respektojmë vetveten. Sepse verdikti i asaj gjykate të instrumentalizuar erdhi si pasojë e servilizmit tonë të verbër ndaj perëndimit

16:25 Andi Bushati

Me sytë katër

SPORT

Të tjerë artikuj

PAPARAZZI