Video tregon si është katandisur Neymar: lë nam kur provon lëvizjen e tij të famshme

A ka humbur magjia e Neymar? Është pyetja që po i bëjnë vetes të gjithë në Brazil pas ndeshjes së fundit të luajtur nga Santos kundër Palmeiras: në mënyrë të pabesueshme skuadra e tij fitoi, por pati sinjale shqetësuese nga futbollisti që po bie nivel nga ndeshja në ndeshje. Veçanërisht ka një video komprometuese, atë në të cilën provon dy herë një nga triket e tij më të famshme pa ia dalë: është rainbow flick, lëvizja me thembër me të cilën i kalon topin mbi kokën e një kundërshtari dhe që dikur ka qenë një nga shenjat e tij dalluese. Disa tifozë të pranishëm në stadium e filmuan ndërsa përpiqej të çlirohej nga dy kundërshtarë në zonën e goditjes nga këndi, por rezultati ishte i tmerrshëm. Herën e parë arriti vetëm ta zhvendoste topin me disa centimetra, herën e dytë madje e humbi pas dyfishimit të markimit nga Palmeiras. Neymar nuk e ka më prekjen e tij dhe në moshën 33-vjeçare është një lojtar i pa­njohshëm krahasuar me atë që kishte arritur të pushtonte Europën me talentin e tij.

Este video de Neymar vs Palmeiras. 💔🇧🇷

— Sudanalytics (@sudanalytics_) November 17, 2025

Gafa e Neymar me lëvizjen e tij

Në Brazil vazhdojnë diskutimet mbi thirrjen e tij të mundshme për Botërorin e ardhshëm, por çështja zhvendoset në një plan tjetër që jep përgjigje pak inkurajuese. Që prej kthimit te Santos, Neymar ka hasur gjithmonë shumë vështirësi dhe, në përgjithësi, pas dëmtimit shumë të rëndë të pësuar te Al Hilal nuk është kthyer më lojtari i dikurshëm. Nuk e ka rigjetur më formën fizike dhe freskinë e duhur për të bërë diferencën dhe në moshën 33-vjeçare dikush po reflekton për mundësinë që ai t’i varë këpucët në gozhdë.

On this day in 2014, @neymarjr produced one of the best goals in World Cup history! #OTD #Brazil #COLvBRA #WorldCup pic.twitter.com/5g7x0qZ9mH

— FIFA World Cup (@FIFAWorldCup) June 22, 2024

Polemika e fundit ka lindur nga një prej lëvizjeve të tij simbolike që ka magjepsur shumë herë spektatorët. Rainbow flick, gjesti që me një lëvizje të topit lejon të kapërcesh kundërshtarin, ishte pjesë e repertorit të tij, por sot nuk është më kështu: nuk i funksionojnë as gjërat e thjeshta dhe çdo tentativë përfundon me një dështim të trishtueshëm, ashtu siç tregohet nga një video e filmuar nga tifozët në stadium që është bërë virale në të gjitha rrjetet sociale. Ai ka humbur prekjen që gjithmonë e ka karakterizuar dhe shumë ndalesat që ka pësuar nga ana fizike tani po i dalin për hesap, pikërisht në vitin vendimtar për të përfaqësuar Brazilin në skenën më të rëndësishme.