GJKKO do të vendos ditën e sotme nëse dosja “Meta”, do të kalojë ose jo për gjykim. Gjyqtarja Irena Gjoka do të vendosë nëse çështja do të kalojë për gjykim apo do të kthehet për rishqyrtim. Gjoka vendosi seancën e kaluar pezullimin e afateve të paraburgimit për Ilir Metën, ndërsa seanca paraprake u shty, pasi avokati mbrojtës i Monika Kryemadhit nuk ishte prezent.
Avokati i ish-presidentit Meta ka akuzuar gjyqtaren Gjoka, se po e gjykon këtë rast nën presionin e prokurorëve të SPAK. Kjo pasi sipas tij, Gjoka po hetohet për dënim të fshehur dhe falsifikim dokumentesh në shtetin grek. Akuza të cilat janë ngritur ndaj saj nga Kreu i PD-së, Sali Berisha. Më herët ish-presidenti Meta ka reaguar nga burgu lidhur me një letërporosi të ardhur nga SHBA, e cila lidhet me pagesa për çështjen e lobimit, të cilën prokurorët e SPAK e ka njoftuar më parë si provë. Meta e ka quajtur këtë si gënjeshtër të SPAK.
