Flash

Juric shpjegon në TV çfarë ndodhi me Lookman: “Gjithçka shihet në dhomat e zhveshjes”

Lapsi.al 6 November 2025
Juric shpjegon në TV çfarë ndodhi me Lookman:
Sherri mes Ivan Juric dhe Ademola Lookman e bëri edhe më të nxehtë fazën vendimtare të pjesës së dytë të ndeshjes Marsiglia-Atalanta. “Janë gjërat e zakonshme që i komentojmë çdo të diel – tha trajneri duke shpjeguar drejtpërdrejt në TV se çfarë ndodhi – dhe ndodhin kur lojtari nuk e pëlqen zëvendësimin sepse nuk dëshiron të dalë. Edhe ne kemi qenë vetë lojtarë dhe e dimë… pastaj gjithçka shihet në dhomat e zhveshjes.” Gjithçka ndodhi në momentin e zëvendësimit të nigerianit, të cilin trajneri e thirri në stol pak minuta pasi iu anulua goli pas një kontrolli të VAR-it. I mërzitur nga vendimi i trajnerit, sulmuesit i shpëton një fjalë e tepërt teksa kalon pranë tij. Reagimi është i menjëhershëm dhe shumë i ashpër: Juric e kap lojtarin për krahu dhe e qorton.

Juric në TV: “Lookman? E njëjta gjë që bëri De Bruyne me Napolin”

Tensioni është shumë i lartë, të dy afrohen pothuajse deri në përleshje. Nëse kjo nuk ndodh, është vetëm sepse nga stoli i “zonjës” ndërhyjnë për ta ndalur Lookman. Por çështja nuk mbyllet aty: në fund të ndeshjes, ndërsa shokët e skuadrës festojnë fitoren, trajneri i afrohet sërish dhe e “shkollon” edhe një herë. Juric, megjithatë, përpiqet ta zbusë ngjarjen: të paktën përpara mikrofonëve, ruan një profil të ulët dhe i jep çështjes përmasën e duhur. Në studion e Sky ndodhet Paolo Di Canio, i cili, duke kujtuar të kaluarën e afërt të lojtarit (që ishte rikthyer në skuadër pas përplasjeve për mungesën e kalimit te Interi), thekson sa e rëndësishme është të mbahen fort hierarkitë. Lexo më tej: Champions/ Haaland rekord, City poker ndaj Dortmund: Inter fiton, Kairat feston “Për të mirën e skuadrës duhet të sillesh mirë – shton Juric. – Pastaj unë e kuptoj dhe për mua gjithçka kalon. Përndryshe, e njëjta gjë ndodhi edhe me De Bruyne në Napoli.” Referenca është për gjestin impulsiv të belgut në San Siro, kundër Milanit, kur ai u tregua i pakënaqur për zëvendësimin. Pasi gjithçka është sqaruar, Juric kthehet edhe te paraqitja e Atalantës: “Fitore plotësisht e merituar. Kemi qenë të pafat në episodin e penalltisë dhe për golin e anuluar. Por për mua nuk ka ndryshuar asgjë, sepse kemi bërë gjithmonë paraqitje shumë të mira edhe nëse rezultatet nuk kanë ardhur gjithmonë.” Dhe goli i mrekullueshëm i Samardzic i vuri të gjitha gjërat në vend, përveçse qetësoi shpirtrat e nxehtë.

Të këshilluara

ide

Një antihero i dëshpëruar i Homerit

Kryeministri ka përdorur mitin antik të Odiseut që nuk joshet nga sirenat, për të përçuar mesazhin se ai do të vazhdojë përpara pa pyetur për protestuesit. Por nëse nuk do e kish njohur veprën e Homerit vetëm përmes ekranizimit, do të kish gjetur tek kjo metaforë gjurmët e një autokrati

16:50 Andi Bushati

Fillimi i fundit të pushtetit të Ramës

Fillimi i fundit mund të jetë mu ky moment, kur piqet bindja e rrëzimit të një kryeministri a qeverie a rendi - pra të një lloj bindjeje se gjërat nuk do të kthehen aty ku ishin para se të fillonte protesta

09:47 Veton Surroi

MOTI TIRANA

21°c

KËMBIMI EURO

94.48

aktuale

Ndiqe Lapsin edhe në

Me interes nga publiku

Me sytë katër

PAPARAZZI