Sherr i egër në Metz–Lens, ndodh gjithçka në tribuna: ndeshja ndërpritet tre herë

Në mesjavën e Ligue 1, të zhvilluar të mërkurën në mbrëmje, ishte në program edhe përballja e kampionatit mes Metz dhe Lens, e vlefshme për javën e 10-të, me vendasit të fundit në renditje ende pa fitore. Një atmosferë e ndezur në “Stade Saint-Symphorien”, ku u regjistruan përleshje të dhunshme në tribuna, hedhje objektesh në fushë si formë proteste, si dhe fyerje e kore raciste ndaj lojtarëve. E gjithë kjo vuri në plan të dytë fitoren e parë sezonale të Metz, në një ndeshje e cila u karakterizua nga plot tre ndërprerje të vendosura nga arbitri në marrëveshje me komisarët e Ligës franceze. Kjo situatë do t’i krijojë probleme të tjera klubit të Metz, që rrezikon të ndëshkohet me disa ndeshje në shtëpi pa praninë e publikut.

Ndërprerja e parë: dy kapitenët qetësojnë gjakrat

Ndërprerja e parë e Metz–Lens erdhi në minutën e 27’, kur tifozët vendas, të vendosur në tribunën lindore, braktisën vendet e tyre dhe iu afruan me agresivitet sektorit të rezervuar për tifozët e Lens, të vendosur në krahun e majtë, duke kërkuar përleshje fizike. Kjo shkaktoi përplasje në tribuna, me hedhje objektesh dhe kore të para homofobe e raciste: përballë një situate që u ndez menjëherë, arbitri Abdelatif Kherradji thirri menjëherë dy kapitenët e skuadrave, duke ndërprerë ndeshjen. Hein dhe Tomasson iu afruan sektorit të përplasjes dhe tentuan të qetësonin gjakrat, të mbështetur nga zëri i folësit të stadiumit.

FC Metz - RC Lens. 29/10/2025. #FCMRCL #RCLens pic.twitter.com/NHiKJ6wEyv

— MENTALITÉ SANG ET OR /RC Lens (@mentalite_lens) October 29, 2025

Ndërprerja e dytë: ndërhyrja e policisë me gaz lotsjellës

Ndeshja rifilloi, por u ndërpre sërish pak më vonë: rreth minutës së 39-të shpërthyen përleshje të reja në tribuna. Këtë herë, ndërprerja e ndeshjes ishte sërish e domosdoshme, e vendosur nga arbitri pas konsultimit me vëzhguesit e ligës franceze, të cilët miratuan vendimin. Për të qetësuar tifozët, policia u detyrua të ndërhynte, madje duke përdorur edhe gaz lotsjellës. Ky veprim lejoi që ndeshja të vazhdonte në minutat e fundit të pjesës së parë dhe të shkonte deri në pushim, ku u regjistruan përleshje të tjera mes tifozëve.

29.10.2025?? FC Metz - RC Lens, Riots near away sector between Lens and Metz ultras, click here for more: https://t.co/15DdwS2cZ7 All in one place. Tap to download. ? https://t.co/FXnrFRpzhv pic.twitter.com/mU8CRiYMVo

— Hooligans.cz Official (@hooliganscz1999) October 30, 2025

Ndërprerja e tretë: kore homofob ndaj lojtarëve kundërshtarë

Edhe në pjesën e dytë, situata nuk u përmirësua, me “Stade Saint-Symphorien” që mbeti një barut i vërtetë, i cili shpërtheu sërish në minutën e 70-të, kur loja u ndërpre për herë të tretë për shkak të koreve fyese, raciste dhe homofobe nga tifozët e Lens në sektorin e miqve, të cilat u pasuan nga disa tifozë të Metz dhe kishin në shënjestër disa lojtarë në fushë. Në fund, ndeshja rifilloi dhe pati një epilog të papritur me dy gola të Metz të shënuar mes minutës së 87’ dhe të 91’, që i dhanë skuadrës fitoren e parë në kampionat.

Sanksionet disiplinore: Metz rrezikon dyert e mbyllura

Në aspektin disiplinor, situata nuk u mbyll me minutën e 90’: të dy klubet pritet të përballen me vendimin e komisionit të Ligue 1, me çështjen që do të shqyrtohet më 12 nëntor. Është e mundur që të dy klubet të gjobiten për kor homofob të drejtuar ndaj lojtarëve kundërshtarë në fushë. Metz, megjithatë, si skuadër pritëse, rrezikon gjithashtu mbylljen e pjesshme (ose të plotë) të stadiumit, duke rrezikuar të zhvillojë ndeshje në shtëpi pa publik (ose me një numër të kufizuar tifozësh).