Roberto Sejas, njeriu që e ngriti Diego Armando Maradonën mbi supet e tij në stadium e mbushur plot të “Azteca” pasi fitoi Kupën e Botës në vitin 1986 , vdiq të hënën në moshën 68 vjeç në qytetin e tij të lindjes, Santa Fe, pas një beteje të gjatë me sëmundjen. Momenti i tij ikonik i ngritjes së Maradonës lart, duke mbajtur peshën Diegon me trofeun, do të bëhej një nga imazhet më të njohura në historinë e futbollit.
Në vitin 1986, Sejas punonte në një uzinë metalurgjike dhe, së bashku me një grup miqsh, vendosi të udhëtonte për në Meksikë për të parë finalen e madhe midis Argjentinës dhe Gjermanisë. Pa biletë, ai arriti të hynte në stadium dhe në fishkëllimën e fundit, u fut me nxitim në fushë mes turmës së tifozëve. "Diego më pa, u ndal dhe pa thënë asgjë e kuptova se çfarë donte. E mora në krahë dhe fillova të vrapoja, ndërsa ai po më tregonte se ku të shkoja", - përshkroi ai më vonë.
Fotografia e Maradonës mbi supet e tij, me Kupën e Botës të ngritur në qiellin e Meksikës, udhëtoi në çdo cep të Tokës, duke simbolizuar magjinë dhe lavdinë e një epoke të tërë. "Nipërit e mbesat e mia më shohin në televizor dhe thonë “ky është gjyshi që mban Maradonën”. Është dhurata më e madhe që më ka dhënë jeta", kishte deklaruar ai i prekur.
Të dy u takuan përsëri dekada më vonë, në Kupën e Botës 2014, në emisionin e Maradonës, De Zurda. "U përqafuam fort. Diego qeshi dhe më tha: “Ti e di sa e rëndë është kupa, por unë e di sa peshë kam me kupën". Pavarësisht njohjes së tij globale, Sejas kurrë nuk e konsideroi veten një "pjesë historie". Me thjeshtësi dhe përulësi, ai gjithmonë thoshte se ishte "dora e Zotit" që e solli në atë moment pranë Maradonës. "Nuk e di pse më ndodhi mua. Por e di që do të jem gjithmonë aty, në drejtimin e Diegos" - rrefeu ai. /LAPSI.al
