Donald Trump, pas takimit të tij me Volodymyr Zelensky në Shtëpinë e Bardhë, dha një mesazh nëpërmjet TruthSocial. Në mesazhin e tij Presidenti amerikan theksoi se është koha për të ndaluar luftën në Ukrainë dhe për të arritur një marrëveshje.
Trump tha se takimi me Presidentin ukainas Volodymyr Zelensky ishte shumë interesant dhe miqësor dhe shtoi se i ka thënë se është koha për të ndaluar vrasjet dhe për të arritur një marrëveshj.
"Takimi me Presidentin Volodymyr Zelensky të Ukrainës ishte shumë interesant dhe miqësor, por unë i thashë atij, siç bëra me Presidentin Putin, se është koha për të ndaluar vrasjet dhe për të arritur një marrëveshje", tha fillimisht presidenti amerikan në mesazhin e tij.
Më tej Trump nënvizoi në postimin e tij se mjaft gjak është derdhur dhe kjo luftë duhet të ndalet. Në fund Trump përmendi sërish se kjo është një luftë që nuk do të kishte filluar kurrë nëse si do të ishte President në kohën kur nisi.
"Mjaft gjak është derdhur, me kufij të përcaktuar nga lufta dhe guximi. Ata duhet të ndalen aty ku janë. Le të shpallin fitoren të dy, le të vendosë Historia. Mjaft me të shtëna, s'ka më vdekje, s'ka më shuma të mëdha dhe të padurueshme parash që shpenzohen. Kjo është një luftë që nuk do të kishte filluar kurrë nëse unë do të isha President. Mijëra njerëz po masakrohen çdo javë - Mjaft më, shkoni në shtëpi te familjet tuaja në paqe!", tha Trump.
