Një ngjarje e rëndë është regjistruar në fshatin Trush të Shkodrës, ku babë e bir kanë përfunduar në prangat e policisë pasi kanë qëlluar në ajër me armë zjarri dhe armë gjahu, për të kanosur fqinjin e tyre. Policia e Shkodrës bën me dije se në pranga kanë rënë Ç. M., 56 vjeç, dhe djali i tij D. M., 22 vjeç, ndërsa është shpallur në kërkim djali tjetër i 56-vjeçarit, M. M., 27 vjeç, të tre banues në fshatin Trush.
Gjatë kontrollit, shërbimet e policisë sekuestruan dy armë gjahu të llojit “çifte”, të cilat rezultojnë se mbaheshin me leje. Ndërkohë, vijojnë kërkimet për gjetjen e armës së zjarrit, me të cilën dyshohet se është qëlluar në ajër gjatë konfliktit.
