Një grua zbulon burrin me të dashurën në stadium e rreh me shpulla: “Mbaroi gjithçka”

Spektakli i një ndeshjeje futbolli në stadium u shndërrua shpejt në një telenovelë. Në tribunat e stadiumit Ilha do Retiro në Recife, në Brazil, pak para fillimit të ndeshjes mes Sport Recife dhe Ceará SC, e vlefshme për javën e 28-të të Kampionatit brazilian, tifozët në shkallë u bënë dëshmitarë të një skene të paktën surreale. Në fushë, ndeshja përfundoi 1-1, por ajo që ndodhi më parë u bë tema kryesore e mbrëmjes dhe e orëve pasuese. Në një video që u bë menjëherë virale në rrjete sociale, një tifoz po filmonte fushën, në pritje të daljes së skuadrave në tapetin e gjelbër. Në atë moment, megjithatë, vihet re një grua e veshur me fanellën zyrtare të skuadrës mike, që kërkon dikë ose diçka në stadium. Vështrimi i saj ndalet te një çift, të ulur pranë njëri-tjetrit në dy karrige të tribunës. Gruaja afrohet ngadalë përpara se të fillojë të bërtasë kundër burrit, i cili në fakt është bashkëshorti ose i fejuari i saj, ulur pranë një gruaje tjetër. Një tradhti në dritë të diellit, para syve të habitur të tifozëve, të cilët asistojnë në atë skenë surreale të shoqëruar me britma dhe shuplaka.

 

View this post on Instagram

 

A post shared by SPORT MIL VOLTS ?⚡️ (@sportmilvolts)

Momenti kur gruaja ngjitet në shkallë dhe zbulon gjithçka

“Unë jam gruaja e tij!” – bërtet ajo, përpara se t’i drejtohet burrit që përpiqej ta qetësonte duke i kërkuar të ulte zërin, pasi të gjithë në atë moment po e shikonin. Por gruaja, e lënduar nga tradhtia, nuk dëshiron të dëgjojë arsye dhe vazhdon të shpërthejë kundër partnerit të saj: “Mbaroi gjithçka!”. Situata bëhet e sikletshme, por gruaja e tradhtuar nuk ndalet dhe, në një moment, i afrohet aq shumë burrit të saj sa nuk përmbahet pa i dhënë dy ose tre shuplaka radhazi në fytyrë. Mbaron këtu? Aspak. Pasi “e rregullon” burrin, gruaja i drejtohet asaj që me çdo gjasë është e dashura e partnerit të saj, e cila kishte mbetur deri atëherë ulur dhe e ngrirë në vend. Përpiqet t’i afrohet edhe më shumë, por burri ndërhyn në përpjekje për ta mbrojtur nga ndonjë goditje apo shuplakë. Me pak fjalë, situata del plotësisht jashtë kontrollit: “Unë jam gruaja e tij!”. Burri përpiqet të shpjegohet, por tashmë tradhtia ishte zbuluar para syve të gjithë stadiumit. Në rrjetet sociale disa dyshojnë se mund të bëhet fjalë për një skenë të inskenuar, por për momentin nuk ka as konfirmime dhe as përgënjeshtrime.