Një juri federale ngriti këtë të enjte padi ndaj ish-këshilltarit të sigurisë kombëtare të Trump, John Bolton, për keqpërdorim të informacionit të klasifikuar duke e akuzuar atë për dërgimin e dokumenteve të ndjeshme të sigurisë kombëtare përmes një llogarie personale email-i AOL.
Aktakuza pretendon se Bolton ka transmetuar me vetëdije materiale që lidhen me çështjet e politikës së jashtme teksa komunikonte me kontakte të jashtme pasi u largua nga Shtëpia e Bardhë.
Bolton, 76 vjeç, shërbeu si këshilltar i sigurisë kombëtare i Presidentit Trump nga prilli 2018 deri në shkarkimin e tij në shtator 2019. Nëse dënohet, Bolton mund të përballet me deri në 10 vjet burg për secilën akuzë të transmetimit të paautorizuar të materialit të klasifikuar. /LAPSI.al
