Zyra e Imigracionit në Shtabin e Policisë së Astit ka kapur një shqiptar, i cili ishte dëbuar nga Italia prillin e kaluar dhe kishte rihyrë ilegalisht në vend.
Autoritetet zbuluan se ai ishte kthyer ilegalisht në Itali në tetor, teksa u ndalua gjatë kontrolleve të posaçme dhe u arrestua i akuzuar për imigracion të paligjshëm.
“Në ekzekutim të urdhrit të dëbimit sipas nenit 13, paragrafi 13 i Dekretit Legjislativ 286/98 dhe dekretit për shoqërimin në kufi të lëshuar nga Shefi i Policisë së Astit, personeli i Zyrës së Imigracionit shoqëroi me forcë shtetasin shqiptar në Aeroportin e Milanos Malpensa, nga ku ai u riatdhesua në vendin e tij të origjinës”, - njoftuan autoritetet për rastin.
Nuk u dhanë detaje për të kaluarën e shqiptarit, nëse kishte qenë i dënuar apo akuzuar më parë për krime të rënda, që kishin sjellë edhe dëbimin. /LAPSI.al
