Shqipëria triumfon në Leskovac me golin e Rey Manaj, duke mposhtur 0-1 Serbinë në ndeshjen vendimtare për vendin e dytë. Nuk ishte pjesa e parë më elektrizuesja. Por Shqipëria e teknikut Sylvinho ishte e organizuar dhe mbajti larg presionin fillestar të Serbisë.
Njeriu më i rrezikshëm në 3-5-2 e Stojkovic ishte Dusan Vlahovic që në harkun e katër minutave frikësoi dy herë Strakoshën. Bllokoi në dy kohë portieri goditjen e juventinit në minutën e 26’, kaloi ngjitur me shtyllën tentativa e minutës së 30’, i vetëm në qendër të zonës.
Nga Shqipëria kishte më tepër administrim, me lojën e përqendruar nga e majta, ku Mitaj e Uzuni e bënin lojën fluide. Broja nuk ndezi, por mesfusha e prapavija qëndronin, në pritje të asaj goditje që shpresonte Sylvinho e që erdhi në minutën e parë shtesë.
Manaj shleu gabimin e penalltisë së humbur në ndeshjen e parë duke mposhtur Petrovic. Festë me shqiponjë para pankinës serbe, si përgjigje e thirrjeve të vazhdueshme “Kosova është Serbi”.
Serbia e shtoi presionin pas rifillimit dhe me Mitrovic (53’) e Pavlovic (67’) provuan pa sukses të thyenin prapavijen e kuqezinjve. Sylvinho freskoi ekipin me Hoxhën për Brojën, në kërkim të administrimiit të rezultatit.
Një mbrojtje me dhëmbë e një goli historik, nje goli që e dergon Shqipërinë në vendin e dyte nje grupin K, atë që të çon në playoff. Në Leskovac u shkrua historia, me ngjyra kuqezi: asnjëherë më parë Shqipëria nuk e kishte mundur Serbinë në fushë Deri sot.
