Autoritetet serbe kanë ndaluar një shtetas italian 35-vjeçar, si pasojë e masave të rrepta të sigurisë që janë vendosur përpara ndeshjes Serbi–Shqipëri, që luhet sonte në Leskovac. I riu, me inicialet E.E., është ndaluar në pikën kufitare të Merdarës. Gjatë kontrollit në makinën e tij Peugeot policia ka gjetur një fanellë me simbolet e UÇK-së.
Mediat serbe raportojnë se autoritetet e kanë akuzuar për nxitje të urrejtjes kombëtare dhe racore. Ndaj tij është vendosur masa e ndalimit për 48 orë, deri në daljen përpara gjykatës. Ngjarja ndodh në një atmosferë të tensionuar sportive dhe politike.
