Një aksident rrugor me pasojë plagosjen e rëndë të një personi ka ndodhur pasditen e sotme në aksin rrugor Rreth rrotullimi i Bradasheshit në Elbasan, në afërsi të fshatit Katund i Ri.
Sipas burimeve paraprake nga policia, një automjet tip veturë ka përplasur një çiklomotor, duke lënë të plagosur rëndë drejtuesin e tij, identiteti i të cilit nuk është bërë ende publik. Ngjarja ndodhi në rrethana që janë ende duke u hetuar nga grupi hetimor.
Menjëherë pas aksidentit, në vendngjarje mbërritën shërbimet e policisë dhe një autoambulancë, e cila transportoi të plagosurin në Spitalin Rajonal të Elbasanit, ku ndodhet nën kujdes intensiv mjekësor.
