Pse Fabio Cannavaro firmoi kontratën si trajner i Uzbekistanit pranë një ushtaraku

Fabio Cannavaro e ka nisur zyrtarisht aventurën e tij të re si trajner i kombëtares së Uzbekistanit. Ish-mbrojtësi italian, kapiten dhe kampion bote me Italinë në vitin 2006, do të marrë pjesë në Kupën e Botës 2026 pikërisht me kombëtaren uzbeke. Një aventurë e rëndësishme për të, që sapo kishte përfunduar përvojën e tij të mëparshme në stolin e Dinamo Zagrebit. Kanale zyrtare të Federatës së Futbollit të Uzbekistanit kanë dokumentuar këto ditë çdo hap të teknikut Cannavaro që nga mbërritja e tij. Ish-kampioni i Italisë vizitoi fillimisht strukturat e bukura të kombëtares përpara se të shkonte të firmoste kontratën e tij në zyrat e Federatës. Aty, në një foto që u bë virale në rrjetet sociale, Cannavaro shihet ulur pas një tavoline, së bashku me Presidentin e Federatës së Futbollit të Uzbekistanit (UFA), i cili megjithatë ishte i veshur me uniformë ushtarake. Një pamje disi e pazakontë për një njeri të sportit, por që ka një shpjegim të qartë: personi në fjalë është Bakhodir Kurbanov.

? Fabio Cannavaro, the candidate for the position of head coach of the Uzbekistan national team, visited the National Football Center. pic.twitter.com/GE3Ila1F5m

— O‘zbekiston FA (@UzbekistanFA) October 6, 2025

Kush është Bakhodir Kurbanov, njeriu me uniformë ushtarake

Bakhodir Kurbanov, i zgjedhur më 22 shkurt 2025, përveçse President i Federatës së Futbollit të Uzbekistanit, është gjithashtu President i Shërbimit të Sigurisë së Shtetit dhe ka zëvendësuar Abdusalom Azizov, i cili dha dorëheqjen në fillim të vitit 2025. Kurbanov mban gradën e Gjeneralit dhe për këtë arsye ishte i pranishëm në ceremoninë e firmosjes së kontratës së Cannavaros pikërisht me uniformë ushtarake. Gjatë fjalës së tij të marrjes së detyrës, Kurbanov kishte shpjeguar: “Do të nisim hapat tanë të parë drejt dixhitalizimit të futbollit. Dixhitalizimi do të rrisë transparencën, do të përmirësojë formimin e lojtarëve të rinj dhe do të fusë një qasje shkencore në zhvillimin e futbollistëve.” Emërimi i tij u mbështet menjëherë nga komiteti federal dhe u konkretizua në fund të janarit, kur ish-shefi i Shërbimeve të Sigurisë së Shtetit, Abdusalom Azizov, dha dorëheqjen nga posti i Presidentit të UFA-së. Detyrat e tij u kryen përkohësisht nga Zëvendëspresidenti i Parë i UFA-së, Ravshan Ermatov, përpara se ato të kalonin në duart e Kurbanovit, i cili tani synon të çojë përpara futbollin në Uzbekistan, duke gjetur menjëherë te kualifikimi i kombëtares për në Botërorin e ardhshëm një vitrinë të madhe dhe një trampolinë të rëndësishme për gjithë vendin.

Are we sure Fabio Cannavaro hasn't been enlisted to the Uzbekistan military and he hasn't noticed yet as that's certainly an interesting uniform for the Uzbek official ? pic.twitter.com/QQtzye5SKG

— Conor ????????? (@_UzbekFootball) October 6, 2025