Presidenti francez Emmanuel Macron ka emëruar 18 ministra në procesin për formimin e qeverisë së re të kryeministrit Sébastien Lecornu, njoftoi zyrtarisht Pallati Élysée.
Mbledhja e parë e kabinetit do të zhvillohet nesër pasdite, me pjesëmarrjen e Macron-it, ndërsa kryeministri Lecornu pritet të mbajë fjalimin e tij të përgjithshëm politik të martën, sipas raportimeve nga mediat franceze.
Ndryshimet kryesore në kabinet përfshijnë:
Roland Lescure, Ministër i Ekonomisë.
Bruno Le Maire merr postin e Ministrit të Forcave të Armatosura.
Bruno Retailleau, do të mbetet Ministër i Brendshëm.
Gérald Darmanin është riemëruar Ministër i Drejtësisë.
Në kabinet janë konfirmuar gjithashtu:
Ish-kryeministrja Elisabeth Borne si Ministre e Arsimit,
Ish-kryeministri Manuel Valls për Territoret Jashtë Shtetit,
Jean-Noël Barrot (MoDem) si Ministër i Punëve të Jashtme,
Catherine Vautrin për Shëndetësinë dhe Punën,
Rachida Dati si Ministre e Kulturës
Amélie de Montchalin mbetet Ministre e Llogarive Publike.
