Omar Bravo duhet të mbrohet nga një akuzë jashtëzakonisht e rëndë: se ka abuzuar me një vajzë adoleshente në disa raste gjatë muajve të fundit. Ish-ylli i kombëtares meksikane, sot 45-vjeçar, është arrestuar në vendin e tij, dhe tabloja e përshkruar nga prokurori i shtetit të Jalisco është tronditëse: ish-sulmuesi mund të ketë kryer edhe më parë akte të ngjashme. Për këtë arsye, përpara se të paraqitet në gjykatë, hetuesit kanë sqaruar se ndaj tij hetimet janë ende në vazhdim, por vetëm situata aktuale mjafton për ta futur seriozisht në telashe, në dritën e akuzave të ngritura dhe rreziqeve shumë të rënda që ato sjellin.
Dygolëshi me fanellën e Meksikës në Botërorin 2006
Në Meksikë, lajmi për rastin Bravo ka shkaktuar shumë bujë, në përpjesëtim me popullaritetin e personazhit: si lojtar i Chivas Guadalajara ai u dallua për instinktin e tij të lindur prej goleadori (është golashënuesi më i mirë në historinë e klubit); me fanellën e “Tri”-së, përfaqësueses së Amerikës Qendrore, mori pjesë si në Lojërat Olimpike të Athinës 2004, ashtu edhe në Botërorin e vitit 2006 në Gjermani (ku u bë i njohur për dopietën e shënuar kundër Iranit).
Karriera: Bravo, golashënuesi më i mirë i Chivas në histori
Omar Bravo i vari këpucët në gozhdë në vitin 2020, duke veshur fanellën e Leones Negros. Karrierën e tij e nisi në vitin 2001 me Chivas, klub me të cilin shkroi historinë në disa periudha të karrierës së tij si “sulmues i zonës”, dhe më pas vazhdoi me Deportivo La Coruña, Tigres, Kansas City, Cruz Azul, Atlas, North Carolina, Arizona United dhe Phoenix. Me kombëtaren meksikane shënoi 15 gola në 67 ndeshje. Por ishte me klubin e Guadalajarës (Chivas) që dha maksimumin e tij: 440 paraqitje dhe 156 gola.
Lexo më tej: Arbitri Viccars dënohet me 13.5 vjet burg për abuzime ndaj të miturve në Angli
Tre ishin sezonet e tij më të mira në aspektin e realizimeve: i pari në vitin 2004–2005 në Primera Clausura (15 ndeshje, 12 gola), i dyti në sezonin 2006–2007 po në Primera Clausura (17 ndeshje, 11 gola), dhe i treti në 2015–2016 në Liga MX Apertura (17 ndeshje, 11 gola).
