Lapsi Video

Aplikacioni

Android iOS
Flash

Arbitri Viccars dënohet me 13.5 vjet burg për abuzime ndaj të miturve në Angli

Lapsi.al 3 October 2025
Arbitri Viccars dënohet me 13.5 vjet burg për abuzime ndaj të
Një arbitër anësor i English Football League, Gareth Viccars, është dënuar me 13 vjet e gjysmë burg për abuzime seksuale ndaj të miturve. 47-vjeçari, me origjinë nga Milton Keynes, ka pranuar 16 pika akuze, përfshirë marrëdhënie seksuale me një të mitur, joshje me qëllim abuzimi, nxitje për marrëdhënie seksuale dhe organizim takimesh me adoleshente. Krimet, të kryera midis nëntorit 2021 dhe tetorit 2024, kanë përfshirë tre vajza 15-vjeçare.

Arbitri anësor dënohet me 13.5 vjet burg për abuzime ndaj të miturve

Përveç dënimit me burg, Viccars do të duhet të vuajë edhe tre vjet e gjysmë të tjera nën mbikëqyrje pasi të ketë përfunduar vuajtjen e dënimit. Gjatë shpalljes së vendimit, gjyqtarja Caroline English theksoi se burri kishte “shënjestruar me qëllim” viktima të reja të pambrojtura, plotësisht i vetëdijshëm për moshën e tyre. “Në të tre rastet ju keni abuzuar vajza të brishta, duke shfrytëzuar cenueshmërinë e tyre”, deklaroi gjyqtarja. Pas vendimit të shpallur ndaj Viccars ditën e enjte, policia metropolitane bëri një apel ndaj kujtdo që beson se ai ose fëmijët e tij mund të jenë viktima të ish-asistentit të arbitrit, duke i ftuar të paraqiten. Duke folur jashtë gjykatës, inspektori i lartë Ross Morrell, i cili ka udhëhequr hetimet e Met, deklaroi: “E dimë që Viccars po dërgonte mesazhe qindra vajzave në Snapchat, dhe sot është dënuar për krime të tmerrshme. Besojmë se ka viktima të tjera atje jashtë. Mendojmë se mund të jenë me qindra”. Në gjykatë është bërë e ditur se Gareth Viccars kishte filluar të komunikonte me vajzën e parë 15-vjeçare në Snapchat në nëntor 2021, kur tashmë ishte i përfshirë në një marrëdhënie tjetër me një të rritur, pas ndarjes nga gruaja.

Lexo më tej: Skandal në Angli: Akins sërish futbollist pas7 muajsh burg për vrasjen e një çiklisti

Charlotte Newell KC, përfaqësuese e akuzës, shpjegoi se ata kishin filluar të shkëmbenin imazhe intime, por më pas ishin takuar personalisht kur Viccars kishte shkuar ta merrte nga shkolla me makinën e tij. Gjatë asaj periudhe ai filloi të komunikonte me një tjetër 15-vjeçare, gjithashtu në Snapchat, duke qenë i vetëdijshëm që ajo ndihej e vetmuar dhe dëshironte dikë me të cilin të fliste. Viccars u arrestua dhe u mor në pyetje për herë të parë nga policia në korrik 2024 dhe ndërkohë që ishte i lirë me kusht filloi të komunikonte me një tjetër vajzë 15-vjeçare me një telefon të ri, duke i thënë se ishte mësues i edukimit fizik. Vajza i tregoi policisë se ishte sulmuar. Football Association dhe English Football League kanë bërë të ditur se Viccars ishte pezulluar menjëherë sapo kishin dalë akuzat dhe nuk kishte gjykuar më asnjë ndeshje gjatë sezonit të fundit.

Të këshilluara

ide

Si të shndërrohet protesta në lëvizje

Mungesa në shoqërinë shqiptare e një lëvizje shpërndërruese për sistemin politik dhe kulturor të këtyre 35 vjetëve, neoliberal neokolonialisht: ky është problemi më i madh që kemi

10:06 Rudian Zekthi

Një antihero i dëshpëruar i Homerit

Kryeministri ka përdorur mitin antik të Odiseut që nuk joshet nga sirenat, për të përçuar mesazhin se ai do të vazhdojë përpara pa pyetur për protestuesit. Por nëse nuk do e kish njohur veprën e Homerit vetëm përmes ekranizimit, do të kish gjetur tek kjo metaforë gjurmët e një autokrati

16:50 Andi Bushati

MOTI TIRANA

30°c

KËMBIMI EURO

94.30

aktuale

Ndiqe Lapsin edhe në

Me interes nga publiku

Media belge: Rama po fsheh kokën në rërë nga protestat 

Populli shqiptar është i ngopur dhe e ka treguar këtë për një muaj me protesta të përditshme. Ajo që u shkaktua nga një skandal që rrethonte resortet luksoze të dhëndrit të Trump është shndërruar në një rezistencë kombëtare kundër korrupsionit dhe establishmentit. Kryeministri po e fsheh kokën në rërë, shkruan “Nieuwsblad”, një nga mediat më të mëdha dhe më të njohura në Belgjikë.

23:26

Me sytë katër

SPORT

Të tjerë artikuj

PAPARAZZI