Një ngjarje e rëndë ka ndodhur në qytetin Mynih të Gjermanisë, ku një person ka mbetur i vrarë dhe nje tjetër i plagosur. Bild raportoi se një burrë u gjet i vrarë dhe një tjetër i plagosur. Pas krimit, autori i ka marrë jetën vetes në zonën e Lerchenauer See.
Polica gjermane tha se viktima i vuri zjarrin shtëpisë së prindërve të tij dhe më pas u largua me makinë. Disa kurthe me mina u gjetën pranë banesës, ndërkohë që policia tha se një tjetër person konsiderohet i zhdukur.
"Si gjithmonë, po hetojmë në të gjitha drejtimet, por supozojmë një kontekst familjar," tha zëdhënësi i policisë, Thomas Schelshorn.
Autoritetet gjermane thanë se kjo ngjarje mund të ketë lidhje edhe me festivalin e Oktoberfest-it. Aktualisht, ambientet e festivalit po kontrollohen. Ndërsa punonjësve iu është kërkuar të largohen nga Oktoberfest dhe të mblidhen në një zonë tjetër. Gjithashtu janë marr edhe masa të mëtejshme sigurie për qytetarët.
