Presidenti i Republikës Bajram Begaj ka dekretuar datën e zgjedhjeve të pjesshme në 6 bashki në datën 9 nëntor. Dekreti është firmosur pavarësisht se duket në shkelje të hapur të Kushtetutës, pasi Erion Veliaj ka ankimuar vendimin e shkarkimit në Gjykatën Kushetuese.
Bashkë me Tiranën do të zhvillohen zgjedhje edhe në pesë bashki të tjera të vendit, të cilat kanë ngelur pa kryetar.
Kujtojmë se gjatë ditës së sotme ka reaguar në Facebook edhe ish-kryetari i Tiranës, Erion Veliaj, i cili bëri akuza të forta në drejtim të Edi Ramës, për tradhti, persekutim dhe një kurth mafioz të ngritur kundër tij.
Në bashkitë e Beratit, Tepelenës dhe Matit, zgjedhjet zhvillohen për shkak të largimit të kryebashkiakëve si pasojë e kandidimit përkatësisht të Ervn Demos, Tërmet Peçit dhe Agron Malaj në zgjedhjet parlamentare të 11 Majit nën siglën e Partisë Socialiste, ku fituan edhe mandatin e deputetit. Ndërkohë që Ermal Dredha dha dorëheqjen si kryebashki i Vlorës dhe Andis Salla u largu anga Cërriku pasi mori detyrën e ministrit të Bujqësisë dhe Zhvillimit Rural.
