Seanca gjyqësore e procesit ‘Plumbi i Artë’ është kaluar me tensione mes të pandehurit Xhuliano Hoxha dhe të penduarit të drejtësisë, Erion Alibej, pasi ky i fundit iu përgjigj disa herë rresht "s'e mbaj mend".
Përgjigjet e Alibej ngjallën nervozizëm tek i pandehur Xhuliano Hoxha gjatë procesit, teksa po e pyeste për një vajzë, Megi K., ish e dashur e Alibejt Hoxha "shpërtheu": O Erjon, po kujtoje një gjë se më plase shpirtin!
Pasi nuk mori asnjë reagim nga i penduari, i pandehuri Hoxha vijoi: Pishmani im në jetë është që s'të vrava ty me dorën time.
Pyetjes së Hoxhës se nëse kishte dashur ta vriste shtetasen Megi K., Alibej i tha të pyeste Suel Çelën.
"E ke në Peqin Suel Çelën", tha Alibej, duke i kërkuar ndjesë avokatit Sokol Hazizaj, që mbron Çelën në një tjetër proces.
I pyetur nëse do të bashkëpunonte sërish sot me Xhuliano Hoxhën dhe Nuredin Dumanin për të vrarë Talo Çelën, Alibej tha: "Edhe me djallin për Talo Çelën".
