Kush është Darren Burgess e çfarë do të bëjë Drejtori i performancës i Juventus

Juventus vazhdon të riformësojë strukturën shoqërore. Klubi bardhezi ka njoftuar firmën e Darren Burgess, 51-vjeçar australian, i cili do të mbajë rolin e Director of Performance dhe do të bashkëpunojë me Damien Comolli, Giorgio Chiellini, Francois Modesto dhe trajnerin Igor Tudor, përveç të gjitha zonave teknike dhe të gjitha grupmoshave të klubit. Burgess ka punuar gjithashtu me Arsenal dhe Liverpool. Në komunikatën Juve shkruan gjithashtu: “Etapat kryesore të karrierës së tij përfaqësohen nga puna e realizuar mbi parandalimin e dëmtimeve, mbikëqyrja e repartit mjekësor dhe performanca në të gjitha aspektet e saj – fitnes, ushqyerje, rehabilitim, psikologji dhe rikuperim si në fushën mashkullore ashtu edhe në atë femërore – dhe në inovacionin në zhvillimin e talenteve”.

Burgess ka punuar me Arsenal e Liverpool

Dhjetëra mijëra tifozë të Juves do të jenë duke u pyetur kush është në të vërtetë Darren Burgess? Australian, i lindur në vitin 1974, ka lindur më 17 maj. Futbollin e njeh mirë, ka bashkëpunuar me kombëtaren e Australisë në kohën e Botërorit 2010 dhe mbi të gjitha ka qenë për dy vjet te Liverpool dhe për shumë sezone te Arsenal, ku është marrë me përgatitjen. Me Gunners ka punuar sidomos në parandalimin e dëmtimeve.

Çfarë do të bëjë Darren Burgess te Juventus

I diplomuar në Shkenca Motorike në Universitetin e New South Wales, ka një doktoratë në Zhvillimin e talenteve, aktualisht është duke ndjekur një Master në Drejtim sportiv. Autor i shumë botimeve në fushën e zhvillimit, ka qenë gjithashtu konsulent për klube të NFL dhe të NBA. Juventusi kujton gjithashtu se: “Burgess është aktualisht konsulent i high performance për FIFPRO dhe është pjesë e bordeve këshillimore të Traits Insights, PEAQ High Performance dhe Telos Performance Partners”.

La Juventus è lieta di annunciare l’arrivo di Darren Burgess che ricoprirà il ruolo di Director of Performance. ?⚪️⚫

— JuventusFC (@juventusfc) September 24, 2025

Puna kryesore e Burgess do të ketë të bëjë me parandalimin e dëmtimeve. Në fakt, ai do të jetë një mbikëqyrës i repartit mjekësor në çdo aspekt të tij: nga fitnesi, tek ushqyerja, duke kaluar te rehabilitimi dhe psikologjia, deri te rikuperimi nga një dëmtim. Ai do të sjellë me vete metodologjinë e tij.