Erion Veliaj do të shkarkohet nga detyra në Këshillin Bashkiak me votat e Partisë Socialiste. Në mbledhjen e Këshillit Bashkiak, kryetarja e Këshillit Megi Fino lexoi një tekst të ngjashëm më logjikën që përdori Rama në fjalimin e asamblesë së PS.
"Ky hap i imponuar nga nevoja urgjente e Tiranës për të ecur përpara nuk është një pranim i pretendimeve të ngritura në procesin penal ndaj kryetarit të bashkisë të cilat i takon gjykatës t'i vlerësojë. Sot ne po kryejmë një detyrim politik dhe moral ndaj qytetarëve të Tiranës duke cliruar Tiranën nga ngërçi i krijuar prej ndalimit pa gjyq dhe të një kohe të paditur të kryetarit të saj" u shpreh Megi Fino duke folur në emër të këshilltarëve bashkiakë.
Në fakt, kjo që deklaron Fino është e pavërtetë, pasi këshilltarët socialistë të Tiranës nuk ndjenë asnjë detyrim moral para qytetarëve të Tiranës për shkarkimin e Veliajt. Ata thjesht po zbatojnë symbyllur një urdhër që Edi Rama ua dha në asamblenë e PS.
