Këshilltari i Opozitës Dorian Teliti ka deklaruar se maxhoranca në mbledhjen e komisionit të ligjeve ka insistuar që Veliaj të mos flasë për shkarkimin e tij. Në një dalje për mediat, Teliti theksoi se është fakt që Veliaj duhet të shkarkohet, por duhet që të dëgjohet njëherë.
"Shkarkimi i Veliaj ka qenë nga opozita 7 muaj, po mazhorancës tani i desh që ta besonte. Ndonëse qëndrimi i opozitës dhe aleatëve të saj është kërkuar shkarkimi i i Veliajt të jetë një orë e më parë. Ne kërkojmë që ky proces të jetë i ligjshëm. Të largohet një orë e më parë, por të mos ketë gjë në dorë për t’u kthyer. Vendimi i mazhorancës është i thatë duke iu referuar mandatit 90 ditor. Fakti që mazhoranca insistoi që të mos dëgjohej do të jetë nesër instrument në dorën e Veliajt. Veliaj duhet të dëgjohej, çdo gjë t’ia themi atje të sallë. Veliaj duhet t’i drejtohej SPAK dhe Këshillit Bashkiak që të futej në mbledhje," tha Teliti.
