Jasmin Mujanović, analist politik dhe një njohës i mirë i zhvillimeve në Ballkan ka bërë një reagim ironik, pasi kryeministri Edi Rama emëroi "Diellën" si ministre të krijuar nga Inteligjenca Artificiale dhe më pas asaj i dha një fjalë në Kuvend. Me anë të postimi në rrjetin social "X", Mujanović shkrun se Rama po bën përpiqet shumë seriozisht për t’u shpallur udhëheqësi më qesharak i Europës në shekullin XXI.
"Edi Rama po bën një përpjekje shumë serioze për t’u shpallur “udhëheqësi më qesharak i Europës në shekullin XXI”. Mendoj se shumica e njerëzve e kishin marrë gjithë këtë punën me “ministren e AI” si një manovër publiciteti. Por fakti që e bëri të flasë në parlament, të thotë se ishte “e lënduar” dhe të premtojë se do t’i japë një trup?! Tërësisht çmenduri" - shkruan ai.
Në seancën e fundit parlamentare Diella mbajti një fjalim dhe reagoi ndaj kritikave të opozitës. Pas fjalimit të saj situata agravoi mes opozitës dhe mazhorancës duke bërë që të anulohet debati për votimin e qeverisë së re.
Jasmin Mujanović është një studiues politik i specializuar për politikën e Evropës Juglindore. Ai është autori i librit "Uria dhe tërbimi: Kriza e Demokracisë në Ballkan". ©LAPSI.al
