Kartoni i kuq anulohet nga VAR: Ghandri mbeti pa fanellë, ia kishte dhuruar tifozit

Nader Ghandri është 30 vjeç dhe luan te Akhmat Grozny në Rusi. Mesfushori me pasaportë të dyfishtë franceze dhe tuniziane ishte protagonist i një episodi të paktën qesharak gjatë ndeshjes së Kupës Kombëtare të luajtur kundër Zenit-it dhe të humbur me rezultatin 2-1. Ghandri, siç shihet nga një video që u bë menjëherë virale, ishte përjashtuar nga arbitri pas një faulli. Skuadra e tij kishte mbetur me dhjetë vetë dhe lojtari, nga dëshpërimi, pas një bisede të shkurtër me arbitrin, menjëherë mori rrugën drejt dhomave të zhveshjes duke shkuar drejt tunelit. Në atë çast megjithatë nga tribuna dikush i kërkon fanellën dhe Ghandri, tashmë i përjashtuar, vendos ta hedhë te tifozi me fat i cili e ruan me kujdes i lumtur që kishte marrë objektin e çmuar. Por pikërisht këtu ndodh një episod i paktën i paparashikueshëm. Tashmë brenda dhomave të zhveshjes, Ghandri thirret nga bashkëpunëtorët e trajnerit të tij për t’u kthyer në fushë pasi VAR-i kishte anuluar vendimin fillestar të arbitrit duke hequr në fakt të kuqin. Në atë moment megjithatë Ghandri kishte mbetur pa fanellë dhe në fushë ndodh gjithçka.

Aconteceu na Copa da Rússia: o zagueiro tunisiano Nader Ghandri, do Akhmat Grozny, foi expulso no final do jogo contra o Zenit. Ao sair de campo, jogou sua camisa para um torcedor. O VAR, porém, chamou o árbitro para a revisão da jogada e o cartão foi retirado. Tiveram que… pic.twitter.com/tM1rJ7H2eB

— Gustavo Hofman (@gustavohofman) September 18, 2025

Lexo më tej: Zenit njofton se i ka dhuruar para Barcelonës për të blerë Nico Williams: ja përse

Ghandri, anëtarët e stolit, të stafit teknik dhe mjekësor, hedhin sytë drejt tribunave me shpresën për të kapur shikimin e tifozit që pak më parë kishte marrë si dhuratë fanellën e lojtarit. Dhe është pikërisht Ghandri që e identifikon duke i kërkuar t’ia kthejë, pasi nuk do të mund të zbriste në fushë pa të. Episodi është për të qeshur dhe megjithëse ndeshja u humb 2-1, fundi është të paktën i bukur. Ghandri është i vetëdijshëm që i kishte shkaktuar një mërzi tifozi dhe kështu në fund të ndeshjes kërkon që dikush ta thërrasë për ta afruar në parkimin e stadiumit. Këtu lojtari vendos t’ia dhurojë gjithsesi fanellën e tij duke vazhduar gjestin e bukur të bërë në fushë. E gjithë kjo u fiksua nga një video që në fakt nxjerr në pah gjestin e bukur të Ghandri-t por edhe atë që kishte ndodhur më parë në fushë, të paktën të turpshëm por në të njëjtën kohë argëtues.

Final feliz! Depois do jogo, Nader Ghandri reencontrou o torcedor e entregou novamente a camisa do Akhmat. A história que começou viral agora está completa. pic.twitter.com/8wqKvbTCZf

— Gustavo Hofman (@gustavohofman) September 18, 2025