Marcus Thuram bind Interin: i tha shokëve pse qeshte me të vëllanë pas golit të Juves

Vëllezërit Thuram ishin ndër protagonistët e mëdhenj të Juve-Inter. Khephren dhe Marcus gjetën të dy rrugën e golit, edhe pse në fund të ndeshjes për të bërë diskutim nuk ishin vetëm paraqitjet përkatëse, por edhe një episod i veçantë. Tifozët zikaltër nuk e pëlqyen të qeshurën e sulmuesit interist në një bisedë me të vëllanë menjëherë pas golit të fitores së Juventusit, pra 4-3 i Azdic. Një situatë mbi të cilën skuadra dhe stafi teknik kërkuan një sqarim nga Marcus Thuram, me versionin e tij bindës. Kjo sepse nuk u vlerësuan buzëqeshjet e sulmuesit, i detyruar madje të mbulonte edhe gojën me fanellë ndërkohë që arbitri priste kontrollin e VAR-it mbi aksionin që solli golin vendimtar të kundërshtarëve. Një skenë e fiksuar nga kamerat dhe që u interpretua si mungesë respekti ndaj Interit, në një moment të vështirë me zikaltërit të përmbysur në ekstremis nga rivalët.

The contrasting emotions of the Thuram brothers at full-time... Someone give the cameraman a raise 👏🎥 pic.twitter.com/44dQ1GI7zQ

— Football on TNT Sports (@footballontnt) September 14, 2025

Çfarë i thanë njëri-tjetrit vëllezërit Thuram

Pikërisht për këtë, pas ndeshjes shokët dhe trajneri i kërkuan arsyen e asaj të qeshure me të vëllanë dhe të asaj nevoje për të mos lejuar që kamerat t’ia lexonin buzët. Sipas rindërtimit të “Gazzetta”-s, Marcus Thuram i kishte pëshpëritur të vëllait diçka pikërisht për kontaktin mes Khephren dhe Bonny pak më parë. “Hajde, thuaji arbitrit që bëre faull!”, ishin fjalët e qendërsulmuesit të Interit për të provuar me shaka të bindte të vëllanë të pranonte se kishte kryer një parregullsi që më pas do të çonte në anulimin e golit me VAR.

Versioni i Marcus Thuram bind Interin

Pra, asgjë fyese, por vetëm një batutë simpatike ndaj të vëllait juventin, i cili gjithashtu qeshi. Pastaj u kujdes skuadra arbitrale ta zgjidhte gjithçka, duke konfirmuar golin që i dha fitoren ekipit të Tudor. Shpjegimi i ofruar nga Marcus Thuram grupit zikaltër i bindi të gjithë dhe për këtë nuk do të ketë asnjë masë ndaj tij. Pra, asnjë rast, dhe gjithçka e qetë në prag të angazhimit të ardhshëm të Champions-it, me Tikus që do të jetë rregullisht në vendin e tij.