Tyler Robinson, 22-vjeçari që akuzohet për vrasjen e aktivistit konservator Charlie Kirk, thuhet se jetonte me një person transgjinor. Sipas mediave amerikane, i riu ndante një apartament me tre dhoma gjumi në Utah me një person transgjinor i cili ishte "në procesin e kalimit nga mashkull në femër".
Personi thuhet se po "bashkëpunon plotësisht" me FBI-në dhe i ka dorëzuar asaj mesazhet në lidhje me armën e vrasjes, të cilat u dërguan nëpërmjet Discord. Në një mesazh, Robinson tregonte vendin ku e kishte fshehur armën, në një zonë të pyllëzuar.
Një burim i tha Fox News: “Autori jetonte me një burrë transgjinor i cili kishte kaluar në një grua. Nuk dihet se cila ishte natyra e marrëdhënies së tyre. Ata ishin miq që luanin videolojëra së bashku. Personi transgjinor po bashkëpunon plotësisht me policinë dhe nuk konsiderohet i dyshuar.”
Një ditë më parë “Daily Mail” zbuloi se Robinson ndante një apartament me tre dhoma me 22-vjeçarin Lance Twigs. Mbetet e paqartë nëse Twigs është i njëjti person që citon Fox News pasi emri i tij nuk është përfshirë në deklaratë. Gjyshi i tij nuk pranoi të komentonte mbi thashethemet se kishte motive e vrasjes ishin çështjet transgjinore.
“Nuk dua të komentoj për këtë. Nuk jam i sigurt saktësisht se cili është statusi i tij në këtë kohë”, tha ai. Ai nuk e kishte takuar kurrë Robinson. Miqtë i thanë Daily Mail se Robinson dhe Twigs ishin pjesë e një grupi me miq të lojërave, kryesisht ish-studentë të Shkollës së Mesme Pine View, në Discord.
Sipas burimeve të FBI-së të cituara nga Fox News, Robinson dhe Twigs, përveçse jetonin së bashku, kishin edhe një "marrëdhënie romantike". Një anëtar i familjes së Twigs tha se ky i fundit ishte "delja e zezë" e familjes, por nuk pranoi të spekulonte nëse kishte një marrëdhënie romantike. I njëjti person tha se nuk i dinte bindjet politike të Twigs, as nëse ai ishte në procesin e tranzicionit të gjinisë.
Të shtunën, New York Post raportoi se askush nuk ndodhej në apartamentin e autorit të vrasjes. ©LAPSI.al
