Shkrimtari dhe publicisti Fatos Lubonja, i ftuar në emisionin "Log." në News24, komentoi emërimet e ministrave të rinj në qeveri. Lubonja u shpreh se kriter për kryeministrin Edi Rama nuk ka qenë cilësia, por bindja e verbër ndaj tij.
"Jemi në një regjim. Edi Rama sot tha se nuk ka nevojë për rotacion. Edhe kur foli për drejtësinë, tha se ka probleme, por shtoi se “ne do e çojmë në drejtimin e duhur”. Ballukun e ka vënë zv kryeministre sepse është më e mira e mundshme?
Kriteri është i qartë. Njëshi është Rama, të gjithë janë zero. Edhe kryetar bashkie Edi Rama ka mbetur, tani që u burgos Veliaj. Rama ka kriter se kush është më i binduri tërësisht.
Këta janë ‘Lenka Çuko e radhës’. Në kohën e PPSH, Enver Hoxha vendosi fillimisht shokët e luftës dhe më vonë i zëvendësoi me emra pa histori nga pas, që thjesht i bindeshin" - tha Lubonja. /LAPSI.al
