Një mbledhje për herë të parë në Tiranë, në Shtëpinë e Futbollit, e pasuar me vendime të rëndësishme. Në Spanjë do ta mbajnë mend mirë mbledhjen e Komitetit Ekzekutiv të UEFA-s, që mori disa vendime të rëndësishme lidhur me të ardhmen e futbollit europian e mbi të gjitha vendosi Wanda Metropolitano si stadiumin mirëpritës të finales së Champions League 2027.
Nën drejtimin e Presidentit të UEFA-s, Aleksander Ceferin, anëtarët e Komitetit Ekzekutiv të UEFA-s votuan stadiumin “Metropolitano” të Madridit si vendin pritës të finales së Champions për vitin 2027. Ndërkohë, stadiumi kombëtar i Varshavës do të presë finalen e Champions League për vajza në vitin 2027, ndërsa finalja e Superkupës së UEFA/s do të luhet në Salzburg. Finalja e Champions League në futsall për vitin 2026 do të luhet në Pesaro të Italisë, finalja e EURO U-19 në futsall do të luhet në Astana ndërsa finalja e Europianit të futsallit për vajza për vitin 2027 do të luhet në Osijek.
Lexo më tej: Mbledhja e KE-së sjell UEFA-n në Tiranë: Ceferin luan futboll, për Serbinë nuk flitet
KE-ja e UEFA-s mori gjithashtu disa vendime të tjera dhe diskutoi çështjet si më poshtë:
Dëmtimet afatgjata të lojtarëve në fushë në kompeticionet e klubeve të UEFA-s për djem
Komiteti Ekzekutiv miratoi një ndryshim në rregulloret e kompeticioneve të klubeve të UEFA-s për djem 2025/26, për të lejuar zëvendësimin e përkohshëm të maksimumi një lojtari në fushë që pëson dëmtim ose sëmundje afatgjatë, gjatë fazës së ligës, deri në javën e gjashtë të ndeshjeve (e përfshirë). Arsyeja e këtij ndryshimi është të garantohet që listat e skuadrave të mos reduktohen në mënyrë të padrejtë dhe që lojtarët të mbrohen nga ngarkesa shtesë.
Bonuse për Finalet e Ligës së Kombeve të UEFA-s për vajza 2025
Komiteti miratoi një shumë totale prej 1,000,000 € për shpërndarje, bazuar në renditjen e ekipeve në Finalet e Ligës së Kombeve të UEFA-s për vajza, si më poshtë:
Vendi i katërt: 150.000 euro (15% rritje)
Vendi i tretë: 200,000 (20% rritje)
Vendi i dytë: 250,000 euro (25% rritje)
Vendi i parë: 400.000 euro (40% rritje)
Kërkesë për autorizimin e zhvillimit të ndeshjeve të kampionatit kombëtar jashtë territorit të UEFA-s
Komiteti Ekzekutiv diskutoi kërkesat nga RFEF (Federata Spanjolle e Futbollit) dhe FIGC (Federata Italiane e Futbollit) për të miratuar zhvillimin e një ndeshjeje të kampionatit kombëtar secila jashtë vendit të tyre, në veçanti jashtë territorit të UEFA-s. Komiteti e njohu këtë si një çështje të rëndësishme dhe në rritje, por shprehu dëshirën për të siguruar mendimin e të gjithë aktorëve përpara se të merret një vendim përfundimtar. Ka shumë çështje për t’u zgjidhur dhe, si organ drejtues i futbollit europian, UEFA ka përgjegjësinë të marrë parasysh të gjithë faktorët e tillë. Si rezultat, nuk u mor asnjë vendim sot, por UEFA do të ndërmarrë një raund konsultimesh me të gjithë aktorët e përfshirë në futbollin europian, përfshirë edhe tifozët.
