Një masakër futbollistike, një poshtërim sportiv: kjo ishte Norvegji–Moldavi, e përfunduar madje 11-1, me vetëm Haaland që shënoi 5. Një fitore që, edhe falë rezultatit shumë të thellë, e bën tani një mirazh për Italinë kapjen e vendit të parë në grupin e kualifikimeve për botërorin, edhe sikur të kaltërit të mundnin skandinavët më 16 nëntor në Milano: shumë i madh hendeku në golavarazh (kriteri i parë vendimtar në rast barazie pikësh) për të menduar se mund të rikuperohet në ndeshjet e mbetura.
Pwr Italinw, ajo që mbetet për të shmangur playoff-in është të shpresojnë që Norvegjia të mos fitojë njërën nga ndeshjet e saj të mbetura kundër Izraelit në shtëpi dhe Estonisë jashtë, duke i lejuar parakalimin nëse tw kaltrit e teknikut Gattuso i fitojnë të gjitha (Estoni jashtë, Izrael në shtëpi, Moldavi jashtë dhe më në fund vetë Norvegjinë në shtëpi). Nëse Norvegjia fluturon, Erling Haaland është krahu i saj i armatosur: sulmuesi i pamëshirshëm gati sa nuk u kërkoi falje pas ndeshjes portierit moldav Cristian Avram për t’i shënuar atij (vetëm ai) pesë gola.
Haaland i papërmbajtshëm kundër Moldavisë: shënon pesë
Në ndeshjen e Oslos, sulmuesi i Manchester City realizoi tripletën e pestë për kombëtaren e tij mes minutës së 11-të dhe të 43-të të pjesës së parë, për të shënuar më pas edhe dy herë të tjera në pjesën e dytë, në minutën e 52-të dhe të 83-të. Haaland vazhdon marshimin e tij të pandalshëm në Olimpin e golashënuesve më të mirë të historisë së futbollit, nuk ka rëndësi nëse vesh fanellën e City-t (tashmë tre gola në tri paraqitjet e para këtë sezon) apo atë të Norvegjisë, me të cilën e ka përditësuar bilancin e tij në 48 gola në 45 ndeshje.
“Është turp për ne. S’kam gjë tjetër për të thënë”, tha pas ndeshjes trajneri i Moldavisë, Sergey Kleshchenko, duke u gjendur përballë detyrimit të komentonte humbjen më të rëndë të historisë së kombëtares së tij. Ishte një mbrëmje shumë e rëndë sidomos për portierin moldav Cristian Avram, i qëlluar nga çdo anë, sigurisht përtej fajit të tij.
Cristian Avram zbulon dialogun me Erling Haaland
Mbrojtësi ekstrem 31-vjeçar, që luan në elitën e kampionatit azer, zbuloi se Haaland, pas fishkëllimës përfundimtare, iu afrua për t’i shpjeguar se si kriteret e kualifikimit që aktualisht shpërblejnë golavarazhin në grupe dhe jo ndeshjet direkte e kishin detyruar Norvegjinë – në duelin kokë më kokë për ta mbajtur larg Italinë – të mos hiqte kurrë këmbën nga pedali i gazit, pa asnjë mëshirë sportive (siç duhej të ishte gjithmonë dhe siç ndodh në sporte të tjera si rugby, ku madje mos ndalimi kur rezultati është tashmë i thellë konsiderohet forma më e lartë e respektit për kundërshtarin).
“Kam folur me Erling – tha një Avram i dërrmuar pas ndeshjes – Më tha ‘nuk është faji im’ dhe se duhej të vazhdonte të provonte të shënonte vetëm për shkak të golavarazhit. E kuptoj. Më shikoni, çfarë mund të them? Nuk do të vdes. Duhet të qëndroj i fortë. Pas pak ditësh kam një ndeshje tjetër. Por njëmbëdhjetë gola janë shumë…”.
