Afrika e Jugut–Nigeria ishte sfida kryesore e kësaj mbrëmjeje të kualifikimeve për Botërorin 2026. Dy kombëtaret u përballën në një ndeshje vendimtare për vendin e parë në renditje, të cilin e mbante pikërisht Afrika e Jugut me 17 pikë, +6 nga Nigeria me 11. Vetëm e para e grupit kualifikohet dhe për këtë arsye pritej një spektakël i madh, sidomos për të parë në veprim Kombëtaren e Osimhen mes favoriteve. Pavarësisht nga rezultati, ajo që tërhoqi vëmendjen e tifozëve dhe spektatorëve ishte një episod i ndodhur pak para fishkëllimës së fillimit, kur të dyja skuadrat po bëheshin gati të hynin në fushë që pa protagonistë Ndidi e Moses.
Është momenti kur 22 protagonistët fillestarë janë në tunelin e dhomave të zhveshjes dhe po përgatiten të hyjnë në fushën e gjelbër. Në një moment, kamerat kapin çastin kur dy lojtarë të Nigerisë, Ndidi dhe Moses Simon, rrëzohen në tokë pasi rrëshqitën. Një rrëzim i pashpjegueshëm, duke parë pamjet, që rrezikoi t’i dëmtone.
Ndidi, në një moment, duket sikur humb ekuilibrin ndërsa ecte në korridorin që do t’i drejtonte dy skuadrat në fushë. Lojtari rrëshqet pa ndonjë shpjegim të qartë duke e tërhequr me vete shokun që ndodhej pas tij. Moses, në përpjekje për ta kapur dhe për të shmangur që Ndidi të përfundonte në tokë, ra edhe ai në fund, duke u rrëzuar. Një skenë e pazakontë që bëri përshtypje edhe tek lojtarët e Afrikës së Jugut, të cilët u përpoqën t’i ndihmonin të ngriheshin.
Çfarë ndodhi me Ndidi dhe Moses
Gjithçka u mbyll mes mosbesimit të dy lojtarëve dhe kundërshtarëve, por edhe të publikut në shtëpi që e ndoqi skenën drejtpërdrejt në televizion. Nuk është e qartë se çfarë ndodhi, ndoshta edhe pak ujë mbi një sipërfaqe të lëmuar në kontakt me thumba të futbollistëve ka ndikuar që ata të binin përtokë. Të dy lojtarët në fund u kthyen normalisht në fushë duke buzëqeshur për atë që ndodhi dhe mbi të gjitha të kënaqur që nuk pësuan pasoja nga ai rrëzim që ishte më shumë komik sesa diçka tjetër.
