Gjykata Supreme e SHBA-së mbështeti përsëri qasjen e Presidentit Donald Trump ndaj imigracionit të hënën, duke i lejuar agjentët të vazhdojnë me bastisjet e Kalifornisë Jugore, që synojnë njerëzit për deportim bazuar në racën ose gjuhën e tyre.
Gjyqtarët e cilësuan kërkesën të drejtë dhe të ligjshme, pasi duhet goditur emigracioni i paligjshëm dhe kryesisht ai latino-amerikan.
Gjykata njoftoi se miratoi një kërkesë të Departamentit të Drejtësisë për të pezulluar një urdhër të gjyqtarit që u kishte ndaluar agjentëve të ndalonin ose dëbonin njerëz pa “dyshim të arsyeshëm” se ata ndodhen në vend ilegalisht, duke u mbështetur në racë ose përkatësi etnike, ose nëse flasin spanjisht ose anglisht me theks, ndër faktorë të tjerë, informon “Reuters”.
Presidenti Trump e ka shpallur si një nga çështjet kryesore goditjen e fenomenit të emigracionit të paligjshëm në SHBA, teksa ka hasur edhe në kundërshti të forta.
