Elmas shpik një gol të pabesueshëm me Maqedoninë: katër mbrojtës u përpoqën ta ndalin

Sapo është kthyer sërish të jetë një lojtar i ri i Napolit dhe Eljif Elmas feston këtë rikthim në të shkuarën me një gol të pabesueshëm të shënuar me Kombëtaren e tij të Maqedonisë së Veriut. Gjatë sfidës së vlefshme për kualifikimet e Botërorit 2026, Elmas, i përfshirë me Kombëtaren e tij në grupin me Uellsin, Belgjikën, Kazakistanin dhe Lihtenshtajnin, bëri diferencën në fitoren 5-0 me të cilën Maqedonia konsolidoi kryesimin në grup me 11 pikë. Videoja e golit të tij u bë menjëherë virale dhe tregon Elmas që nisi nga krahu i majtë për të filluar më pas një lloj driblimi të pandalshëm që i habiti kundërshtarët e tij, të cilët nuk arritën ta ndalnin. Elmas nga vija fundore avancoi dhe dribloi dy mbrojtës kundërshtarë duke kaluar mes tyre, për të mbërritur më pas deri në kufirin e zonës ku një mbrojtës tjetër u përpoq ta ndalte, por Elmas me një finte e kaloi topin nga këmba e djathtë në të majtën dhe në atë moment po me të njëjtën mënyrë dribloi edhe mbrojtësin e radhës që u sakrifikua për ta ndalur.

pic.twitter.com/oqdaR0e8fZ

— fb sports (@fbsports654024) September 7, 2025

Lexo më tej: Drejt Botërorit: Spanja luan play-station me Turqinë, fitorja e parë për Gjermaninë

Çdo përpjekje megjithatë ishte fjalë për fjalë e shpërdoruar për mbrojtësit e Lihtenshtejnit, të cilët u dribluan si piramida nga Elmas që në atë moment u gjend në zonën e vogël me vetëm portierin kundërshtar për të mposhtur. Në atë çast, pavarësisht rikthimit të mbrojtësit të tretë që kishte kaluar më herët, Elmas me të majtën arriti ta dërgojë topin në rrjetë, një top që kaloi ngadalë vijën pa i lënë asnjë mundësi portierit. Ishte goli që hapi rezultatin dhe në fakt i dha nisje festës së golave nga Maqedonia. Elmas festoi me të gjithë shokët e tij që vrapuan pas tij për ta nderuar sa më mirë. Për tifozët e Napolit që shpërndanë videon, bëhet fjalë për “efektin Conte”. Elmas do të jetë një gur themeli për trajnerin e Napolit gjatë këtij sezoni, i cili ka nevojë për lojtarë të paparashikueshëm të aftë të përdoren edhe në më shumë se një pozicion. Me pak fjalë, në pritje për ta parë sërish me fanellën blu, Elmas ka treguar se është tashmë në formë të shkëlqyer për këtë rikthim nën hijen e Vezuvit.