Pothuajse gjithçka gati për rikthimin në fushë të Endrick, një nga lojtarët më të shumëpritur që tifozët duan ta shohin në aksion te Real Madrid, nën drejtimin e Xabi Alonsos. Talenti brazilian u ndal që nga maji i kaluar, për shkak të një shtrëngimi të pësuar te muskujt iskiotibialë, që përbëjnë pjesën e pasme të kofshës. Që nga ai moment ka kryer ekskluzivisht punë individuale, sidomos në palestër. Dhe ka treguar në rrjetet sociale efektin e gjithë atij punimi: një fizik me muskuj impresionues, aq sa shtyu Gabriely Miranda, bashkëshorten e tij të re, në një koment të habitur nën postim: “O Zot… çfarë burri!”.
Endrick dhe fiziku i ri i ndërtuar në palestër: tregon muskuj impresionues
Endrick pritet të jetë sërish në dispozicion të Real Madridit menjëherë pas pushimit të kombëtareve. Një pauzë e dobishme për talentin brazilian, i cili po përballet me fazën përfundimtare të rikuperimit të gjatë që e mbajti jashtë loje pothuajse gjatë gjithë verës: i dëmtuar në maj, ai pësoi një rikthim të keq në korrik, pas dëmtimit të bicepsit femoral të këmbës së djathtë. Për këtë arsye, sulmuesi nëntëmbëdhjetëvjeçar i Real Madridit nisi një stërvitje intensive në palestër çdo javë për disa muaj, me synim rritjen e masës muskulore.
Komenti i Gabriely Miranda, e martuar gjatë kohës së rikuperimit: “O Zot… çfarë burri!”
Efektet e seancave me pesha u shfaqën në gjithë fuqinë e tyre në momentin kur Endrick theu heshtjen edhe në rrjetet sociale dhe postoi disa fotografi që e shfaqin teksa kryen ushtrime trupore dhe me manubra. Duke treguar një fizik impresionues, me një masë muskulore dukshëm më të rritur krahasuar me periudhën para dëmtimit. Një transformim aq i dukshëm sa edhe bashkëshortja e tij Gabriely Miranda, të cilën e martoi pikërisht gjatë pushimit për shkak dëmtimi, pasi pa fotot që futbollisti brazilian publikoi në Instagram, komentoi e habitur: “S’qenka e mundur, çfarë burri!”.
Endrick i dëmtuar: çfarë pësoi dhe kur do të rikthehet te Real Madrid
Endrick ishte i detyruar të humbiste gjithë Botërorin për Klube me Real Madridin, përveçse nuk pati asnjë mundësi t’i vinte në dispozicion Ancelottit edhe për thirrjet e fundit të Brazilit. Duket se ishte afër rikthimit që disa javë më parë, por një rikthim i dëmtimit ngadalësoi rrugën e tij të rikuperimit. Sulmuesi i ri, që ndërkohë përfitoi edhe për t’u martuar, vendosi t’i nënshtrohej një “kurimi intensiv” për të rritur masën muskulore dhe për të shmangur kështu komplikime të tjera.
