E bombarduar nga dronët rusë, Sudakov tregon imazhet e shtëpisë: “Djali im ishte aty”

Për Georgiy Sudakov kanë qenë orë të mëdha frike dhe ankthi për familjen e tij: gjatë natës bombardimet ruse kanë goditur qytetin e Kievit, duke shkatërruar plotësisht shtëpinë e lojtarit, ndërsa brenda ishin djali, gruaja dhe nëna e tij. Mesfushori është i angazhuar me kombëtaren e tij në kualifikimet për Botërorin e ardhshëm, por mendja i shkon tek tmerri që vazhdojnë të përjetojnë të gjithë në Ukrainë. Në Instagram ai ka ndarë fotot e apartamentit të tij në qytet, i copëtuar plotësisht nga dronët dhe raketat, duke lënë vetëm rrënoja dhe një ndjenjë të madhe pafuqie. “Ja si dukej shtëpia ime pas kësaj nate”, ka shkruar lojtari i përshkuar nga dhimbja dhe nga ndërgjegjësimi i tmerrshëm se e gjithë familja e tij rrezikoi jetën për shkak të sulmit rus.

Shtëpia e Sudakov e reduktuar në rrënoja

Apartamenti i lojtarit ndodhet në një pallat në Kiev që u shkatërrua plotësisht nga raketat e dërguara nga Rusia. Në rrjetet sociale mesfushori i Benfikës ka publikuar imazhe tronditëse, të shoqëruara nga rrëfimi i natës së tmerrit: “Ja si duket pas mbërritjes së Shahed (një dron kamikaz, shën.). Në atë moment gruaja ime, djali im dhe nëna ime ishin në shtëpi”. Të gjithë kanë menduar për më të keqen dhe fotot bënë menjëherë xhiron e botës, duke shkaktuar indinjatë të madhe. Shtëpia e lojtarit është plotësisht e shkatërruar: të gjithë muret janë shembur, rruga dhe makinat e parkuara janë të mbuluara me rrënoja dhe katet e sipërme të pallatit janë praktikisht të parikpozueshme, të djegura nga kontakti me raketat ruse. Vazhdon tragjedia në Ukrainë, e shkatërruar nga lufta dhe pasojat e saj dramatike që nuk kursejnë askënd.

 

View this post on Instagram

 

A post shared by Giorgi Sudakov?? (@sudakov_11)