Nagelsmann bën copë Gjermaninë e tij, pas humbjes në Sllovaki: “E morën lehtë”

Fillimisht Hancko e më pas Strelec. Gjermania e Julian Nagelsmann shembet në Sllovaki përballë Kombëtares së drejtuar nga Francesco Calzona, e cila u ka dhënë gjermanëve një 2-0 të pastër në debutimin e sfidave të kualifikimit për Botërorin 2026 në grupin A. Trajneri i Gjermanisë përtypet hidhur dhe në transmetim të drejtpërdrejtë sigurisht që nuk është tërhequr, duke kritikuar ashpër skuadrën e tij, e cila është dukur objektivisht e fikur dhe pak reaguese, ndryshe nga kundërshtarët. “Nuk dua të dëgjoj më fjalën ‘cilësi’, është një çështje motivimesh – shpjegon trajneri gjerman. – Ne kemi përzgjedhur lojtarët më të mirë nga Gjermania, por ndoshta duhet të synojmë më pak cilësi, por lojtarë që japin maksimumin”. Nagelsmann është i bindur se me lojtarë të aftë për të zbritur në fushë me një tjetër qëndrim, rezultati do të kishte qenë ndryshe: “Po të kishin ardhur ata lojtarë, do të kishte pasur një rezultat ndryshe nga ai që kemi marrë”. Gjermania është kështu tani e ndalur në 0 pikë, bashkë me Luksemburgun që u mund 3-1 kundër Irlandës së Veriut.

Lexo më tej: Sllovakia trondit Nagelsmann, bie Gjermania: Spanja pa probleme, Belgjika një furi

Wir sind nicht zufrieden. Ihr seid nicht zufrieden. Können wir auch absolut nicht sein. Aber bevor ihr jetzt unter diesem Post kommentiert, denkt bitte daran, dass Hass Situationen noch nie besser gemacht hat. Besonders Rassismus hat hier überhaupt keinen Platz. Lasst und… pic.twitter.com/nAEd2C1pGE

— DFB-Team (@DFB_Team) September 4, 2025

Akuza mbi lojtarët

Nagelsmann ka drejtuar gishtin mbi paraqitjen dhe pikërisht mbi sipërfaqësinë e treguar në disa raste nga lojtarët e tij: “Sot ishim shumë larg gjithçkaje, për mirë e për keq – tha ai. – Të gjithë duhet të kuptojnë se ndeshje si këto duhet t’i përballojmë sikur të ishte një gjysmëfinale e Champions League”. Trajneri shpjegon cili ka qenë gabimi i madh në fushë: “Në përgjithësi kam besim te lojtarët, dhe për këtë arsye i thërras, por nuk mjafton të luash me frenin e dorës të tërhequr”. Trajneri gjerman nënvizon se lojtarët e Gjermanisë e kanë nënvlerësuar angazhimin kundër Kombëtares së drejtuar nga ish-tekniku i Napolit. “I shohim rregullisht në Kupë këto histori të Davidit kundër Goliatit – tha ai. – Nëse nuk arrijmë ta menaxhojmë gjithë këtë, atëherë mund të mbyllim librin”. Dhe përfundon: “Cilësia nuk ka rëndësi. Pse ka ndeshje në Kupën e Gjermanisë ku një skuadër e kategorisë së tretë si Wehen Wiesbaden barazon 2-2 me Bayern Munich? Jo për cilësinë e lojtarëve, por thjesht për motivimet”.