Imazhi viral i James Rodriguez i vetëm me stadiumin bosh: ç'ndodhi pas Kolumbi-Bolivi

James Rodriguez është 34 vjeç dhe ka qenë gjithmonë i konsideruar si një nga talentet më të mëdha të gjeneratës së fundit të futbollistëve kolumbianë. Mesfushori i León dhe kapiteni i kombëtares ishte edhe një herë tjetër vendimtar me golin e tij kundër Bolivisë që i lejoi skuadrës të mposhte 1-0 Bolivinë në ndeshjen e vlefshme për kualifikueset e Botërorit 2026. Tre pikë të rëndësishme, por të përjetuara me një grimcë melankolie nga lojtari, i cili në fund të ndeshjes, kur të gjithë tifozët ishin larguar duke lënë stadiumin bosh, deshi të rikthehej në fushë. Punonjësit dhe gazetarët mbetën të habitur nga gjesti i tij. James në fakt u rikthye në fushë dhe në një moment vendosi të ulej në qendër, krejt i vetëm, duke shikuar boshësinë. Imazhi u bë menjëherë viral duke gjeneruar pyetje mbi atë që kishte ndodhur. E qartë që në moshën 34-vjeçare, ajo e luajtur në Metropolitano mund të ketë qenë ndeshja e fundit në shtëpi e James me fanellën e Kolumbisë, duke shpresuar të marrë pjesë në Botërorin 2026.

? Así se despidió James Rodríguez hoy del Metropolitano de Barranquilla ?? ? @Salomefajardo pic.twitter.com/S6U6ZPCUrc

— Pipe Sierra (@PSierraR) September 5, 2025

Çfarë ndodhi?

James Rodriguez shënoi golin e 1-0 në minutën e 30’, duke arritur kuotën e 14 golave në kualifikime dhe duke thyer rekordin që deri tani i përkiste Radamel Falcao si golashënuesi më i mirë kolumbian në këtë kompeticion. Ish-mesfushori i Real Madrid luajti rreth një orë përpara se të zëvendësohej dhe të shoqërohej në pankinë nga një ovacion i gjatë në këmbë i gjithë stadiumit. Dhe kështu, ndoshta edhe sepse u prek nga ai ovacion i publikut, James u emocionua dhe në fund të ndeshjes, larg të gjithëve, deshi t’i rezervonte vetes një hapësirë të vogël vetëm për të.

James Rodríguez salió besando el escudo de Colombia ??y también tuvo un tenso intercambio con Néstor Lorenzo, ¿Qué le habrá dicho James David?pic.twitter.com/AG6J2ACW7Z

— Alfonso Hernández (@AlfonsoH) September 5, 2025

Pa më askënd, me shkallët e stadiumit bosh dhe larg zhurmës, James u ul në qendër të rrethit të Metropolitanos. Një imazh që u bë shpejt viral dhe që ngriti disa pikëpyetje. Megjithëse dikush nëpër komente kishte theksuar se dukej si një lloj imitimi i lamtumirës së Iniesta-s me Barcelonën në “Camp Nou”, të tjerë u përqendruan te emocioni i përcjellë nga ai imazh. Edhe pse James refuzoi të japë ndonjë tregues për konfirmimin e ndeshjes së tij të fundit të kualifikimeve në shtëpi, e vërteta është se, duke pasur parasysh moshën e tij, ajo mund të ketë qenë e tillë.