“Barriera është pengesë për portierin”: kjo është teoria inovative e Michael Owen

Goditja fantastike e Dominik Szoboszlai i dhuroi Liverpool kreun e Premier League, por ngriti edhe një çështje interesante nga Michael Owen. Ish-sulmuesi, fitues i Topit të Artë në vitin 2001, bëri një analizë shumë të veçantë mbi goditjet e dënimit dhe mbi mënyrën se si ato mund të revolucionarizohen: i ftuar në studiot e transmetuesit australian Stan Sport, ai foli për eliminimin e mundshëm të murit për goditjet e dënimit të ekzekutuara nga 30 metra larg portës, pikërisht si në rastin e hungarezit, i cili në njëfarë mënyre përfitoi nga kjo situatë.

Michael Owen makes an interesting point: beyond 30 yards, the wall may actually be more of a hindrance than a help. Could football’s thinking on this evolve over time? pic.twitter.com/MWcPVEgxyG

— Ɓ▪︎ (@futbolfeind) September 1, 2025

Owen ka një ide për goditjet e dënimit

Sipas ish-sulmuesit të Liverpool mund të bëhet një eksperiment për t’ua thjeshtuar jetën lojtarëve: për goditjet e dënimit të ekzekutuara nga një distancë e madhe nga porta, Owen ka propozuar eliminimin e plotë të murit klasik që portierët vendosin për të pasur pak më shumë mbrojtje. Kjo mund të ishte një pikënisje taktike për shumë skuadra: “E kam thënë tashmë, mendoj se muri në këtë situatë është një pengesë. Nuk e di, por besoj se kur topi është kaq larg, mbi 30 metra, nëse portieri do të pozicionohej në qendër dhe nuk do të kishte mur, vë bast se nuk do t’i duhej as të hidhesh, thjesht mund të lëvizte dhe ta kapte”. Sipas ish-sulmuesit, muri përfaqëson vetëm një pengesë shtesë për portierin: “Muri në atë situatë është një pengesë. Ata nuk e shohin, u jep dikujt një objektiv për ta kaluar. Portieri duhet gjithmonë të zhvendoset nga njëra anë ose nga tjetra e portës. Nëse do të ndalej në qendër dhe nuk do të kishte asgjë përpara tij, ajo që do të ndodhte është që kundërshtarët do të fillonin të bllokonin dhe do të krijonin murin e tyre”.

Lexo më tej: Profecia e Michael Owen është bërë realitet: “City nuk do të arrijë në katërshe”

Teoria e tij e veçantë mund të sjellë evolucione interesante, por Owen sqaron se ajo mund të aplikohet vetëm për goditjet e dënimit nga 30 metra largësi: “Kjo tregon që ai që godet një dënim do një mur, i jep atij një pikë reference. Mos më keqkuptoni, nga 20 metra largësi ka nevojë për mur. Por mbi 32 metra mendoj se muri është një pengesë për portierin”.