José Mourinho, mbreti i "qylit": në 7 shkarkime në karrierë ka fituar mbi 110 milionë

Shkarkimi i fundit mban firmën Fenerbahçe: klubi turk, përballë moskualifikimit në Champions League, i mundur nga Benfica, vendosi të bëjë pa teknikun José Mourinho, trajnerin që kishte angazhuar me një rrogë përrallore (mbi 10 milionë në sezon) për t’u rilindur dhe për t’u bërë sërish i madh. Objektiv i dështuar, si në kampionat ashtu edhe në Europë, me pasojën e pashmangshme të ndarjes para skadencës së kontratës. Një zakon që e ka shoqëruar Special One në karrierë, sidomos në pjesën e dytë të saj, dhe që e ka bërë në mënyrën e tij Mbret të shpërblimeve të lamtumirës: në 7 rastet kur është shkarkuar përpara kohe nga detyra e tij, Mourinho gjithmonë është gjetur me llogarinë më të pasur se më parë, me mbi 110 milionë euro.

Fenerbahçe dështon hyrjen në Champions: Mourinho i shkarkuar

Nga të qenët “Special One” (siç njihet universalisht) në “Crying One” (siç u përcaktua në Turqi) hapi qe i shkurtër për portugezin José Mourinho, sidomos duke përjetuar aventurën e tij në Turqi, të nisur në vitin 2024, e mbushur me një seri të pafund polemikash, guximesh mediatike, padish dhe grindjesh, duke sfiduar jo vetëm rivalët e përjetshëm të Galatasaray, por edhe një sistem të tërë futbollistik. Shpesh duke humbur ndeshjen në shumë fronte. Deri te e pashmangshmja: playoff-et zhgënjyese kundër Benfica, që nuk i lejuan Fenerbahçe-s të arrinte ëndrrën e madhe të Champions, i kushtuan portugezit shkarkimin e menjëhershëm. I 7-ti në karrierë, e mbushur në pjesën e parë me triumfe në fushë dhe në të dytën me një llogari bankare që u fry gjithnjë e më shumë, duke shkëputur gjithmonë kontrata faraonike me shpërblime stratosferike.

Mourinho 7 shkarkime në 25 vite karrierë, me shpërblime milionere

Falë sukseseve të arritura sidomos në pankinat e Chelsea, Inter dhe Real Madrid, pjesa e parë e karrierës së teknikut Mourinho u shënua nga fitoret në fushë. Pastaj, nga firmat mbi kontrata prej menaxheri të nivelit më të lartë, duke shfrytëzuar emrin dhe famën e akumuluar. Duke nisur nga shkarkimi i fundit te Fenerbahçe, llogaritë në xhepin e portugezit Mourinho janë të thjeshta për t’u bërë. Sa herë që është hequr nga ndonjë klub, portugezi gjithmonë ka shkëputur çeqe milionere dhe në vitet e fundit kjo ka ndodhur shpesh, plot 7 herë me një shumë të arkëtuar rekord: mbi 110 milionë.

KAMUOYUNUN BİLGİSİNE Profesyonel Futbol A Takımımızın 2024-2025 sezonundan itibaren teknik direktörlük görevini yürüten Jose Mourinho ile yollarımız ayrılmıştır. Kendisine bugüne kadar takımımız için verdiği emekler için teşekkür eder, gelecek kariyerinde başarılar dileriz.… pic.twitter.com/7MpkzNhEN4

— Fenerbahçe SK (@Fenerbahce) August 29, 2025

Nga Chelsea te Fenerbahçe: 110 milionë të përfituara

Në Turqi ai mori një shpërblim prej 16 milionë eurosh, në bazë të një kontrate trevjeçare që i garantonte 10,5 milionë neto në sezon. Duke kthyer filmin prapa në 2007, te Chelsea Abramovich e likuidoi me plot 21 milionë. Pastaj ishte radha e Real Madrid, me Florentino Perez që shkëputi një çek prej 20 milionë eurosh. Pastaj përsëri Chelsea, me Blues që edhe një herë tjetër e paguan 10 milionë që të linte pankinën menjëherë. Rekordin megjithatë e ka vendosur Manchester United, që u nda nga Mourinho duke i paguar 23 milionë. Pastaj para të tjera të freskëta nga Tottenham (17 milionë euro). Edhe Roma “ra brenda”, pikërisht para se të shkonte në Turqi: familja Friedkin pagoi lamtumirën me 3 milionë.