Flash

Donnarumma portieri i ri i Manchester City: akord me Psg për 40 milionë euro

Lapsi.al 1 September 2025
Donnarumma portieri i ri i Manchester City: akord me Psg për 40
Pep Guardiola është gati ta mirëpresë portierin Gigio Donnarumma te Manchester City. Klubi anglez ka arritur në fakt një marrëveshje me Psg: marrëveshje rreth 40 milionë euro. Psg, që kishte nisur nga një kërkesë fillestare prej 50 milionësh, fillimisht kishte refuzuar ofertën prej 30 milionë eurosh: palët u takuan në gjysmë të rrugës. Bëhet fjalë për marrëveshjen e parë në histori mes dy shoqërive. Për portierin e Kombëtares italiane Donnarumma, të hedhur poshtë nga Luis Enrique pas një sezoni triumfal, që e çoi skuadrën parisiene në fitimin e Champions League, kontratë pesëvjeçare me 12 milionë euro neto në vit. Drita jeshile për aventurën e Donnarumma në Premier League erdhi pas marrëveshjes mes Manchester City dhe Fenerbahce për portierin brazilian Ederson, mbi bazën e 13 milionë eurove plus 2 bonus.

Lexo më tej: Donnarumma, PSG gati ta shesë pas sezonit të tij më të mirë: ja pse mund të largohet

“Premier është kampionati ku aspiron Gigio”, kishte thënë hapur menaxheri i tij Enzo Raiola. Tani dëshira është bërë realitet dhe Donnarumma do të luajë në kampionatin më të fortë në planet.

Të këshilluara

ide

MOTI TIRANA

28°c

KËMBIMI EURO

94.22

aktuale

Ndiqe Lapsin edhe në

Me interes nga publiku

Me sytë katër

PAPARAZZI