GJKKO ka vendosur masën e sigurisë “arrest me burg” për inspektorin e IMT-së së Tiranës, Gerald Fuçia. Ai është arrestuar nga SPAK tre ditë më parë, në kuadër të një hetimi për korrupsion. Fuçia dyshohet se ka marrë ryshfet nga një biznes që kërkonte instalimin e një tende.
Arrestimi i Fuçias u realizua në zonën e Kombinatit, në një lokal të ish-deputetit Mark Frroku, ku u sekuestruan para të dyshuara si ryshfet. Në seancën e zhvilluar me dyer të mbyllura, Fuçia mohoi akuzat. Ai deklaroi se nuk kishte asnjë lidhje me ngjarjen, duke theksuar se e ka ushtruar detyrën me seriozitet dhe profesionalizëm. Ai kërkoi gjithashtu hetim të thelluar për të dëshmuar pafajësinë e tij. Ajo fajësoi inspektorin tjetër të IMT, Klajdi Zhilla i cili u shpall në kërkim, ndërsa mëngjesin e kësaj të shtune u vetëdorëzua në Policinë e Tiranës
