Cristian Chivu shijon fitoren 5-0 kundër Torinos në debutimin e tij zyrtar në kampionat dhe para publikut të vet: Interi dha provë cilësie dhe pjekurie, duke i larguar shumë fantazmat e sezonit të kaluar të dështuar. Përveç golave, u pa lojë, skema dhe mentalitet i duhur: “Nuk është vetëm çështje këmbësh, por e kokës dhe qasja mendore të jep gjithmonë diçka më shumë”, tha trajneri i ri, dukshëm i rraskapitur nga tensioni dhe emocionet. Por jo i kënaqur: “Tani jam i shteruar, por për merkaton do të rikthehemi të diskutojmë”.
Chivu i lumtur: “Ishte një e panjohur për të gjithë”
Chivu është i lumtur, i buzëqeshur, më në fund i çlodhur pas 90 minutave ku tensioni shpesh luajti një rol kryesor. Kjo kuptohet nga mënyra si paraqitet pas Inter–Torino, sikur të kishte zbritur edhe ai në fushë bashkë me lojtarët e tij: “Jam pak i shteruar dhe bosh pas ndeshjes, do të doja të flisja për ndeshjen për të cilën djemtë kanë punuar me kokë ulur dhe sot u paraqitën në kushte të mira. Edhe për ne të stafit ishte një e panjohur të bënim një përgatitje të tillë pa shumë kohë në dispozicion: në fund ata u përgjigjën në mënyrë të shkëlqyer nga ana mendore, duke lënë pas të kaluarën. Dhanë një demonstrim pjekurie, jam i kënaqur”.
Chivu, merkato e Lookman: “Për të nuk flas”
I lumtur por jo i kënaqur njëqind përqind, sepse mendimi i Chivu shkon përtej pesë golave në Torino dhe 90 minutave të para të sezonit. “Jam i përqendruar në të tashmen, e di që kam një përgjegjësi të madhe. Po punojmë si skuadër me lojtarët që kemi. Merkatoja? Ende mungojnë disa ditë, sigurisht do të rikthehemi të flasim dhe të diskutojmë, por tani jo”. Një temë tabu, ashtu si dhe refreni veror, mungesa e ardhjes së Lookman, edhe një herë në gojën e gazetarëve: “Për të nuk flas, nuk bën pjesë në skuadrën time dhe është një lojtar i Atalantës. Mendoj për skuadrën që kam dhe sot jam i lumtur”.
