Lapsi Video

Aplikacioni

Android iOS
Flash

Skandal në Copa Sudamericana, rrahje barbare mes tifozëve: skena të tmerrshme

Lapsi.al 21 August 2025
Skandal në Copa Sudamericana, rrahje barbare mes tifozëve: skena
Ndeshja e 1/8 të finales së Copa Sudamericana në Avellaneda, në Argjentinë, përfundoi në tragjedi: ndeshja mes Indipendiente dhe Universidad de Chile u ndërpre fillimisht dhe më pas u pezullua përfundimisht në minutën e 47’ për shkak të përplasjeve shumë të dhunshme në tribuna mes dy tifozerive, që më pas degjeneruan në një gjueti njerëzish të përgjakshme dhe mizore. Pamje tmerruese dhe skena paniku të pastër, me tifozë të detyruar të zhvesheshin e që goditeshin me rripa e shkopinj, të tjerë që kërkuan strehë duke pushtuar fushën e lojës, ndërsa më fatkeqët u hodhën nga tribunat për t’i shpëtuar dhunës. Bilanci, i destinuar të rritet, flet për dhjetëra persona të plagosur dhe të shtruar në spital, asnjë në rrezik jete, ndërsa arrestimet janë me qindra.

Incidentet e përgjakshme në tribuna gjatë Indipendiente-Universidad de Chile

Videot që qarkullojnë në rrjetet sociale tregojnë një natë çmendurie, e nisur nga tifozët miq të Universidad de Chile dhe e përfunduar me sulmin ndëshkues të vendasve argjentinas që bënë drejtësi të përmbledhur duke rrahur barbarisht kundërshtarët, ndërsa policia pothuajse qëndroi duke parë se çfarë po ndodhte në tribunat e Stadiumit të Avellaneda. Përplasjet e para kishin nisur gjatë pushimit me ultrasit e Universidad që kishin filluar të hidhnin objekte dhe të provokonin argjentinasit. Pauza mes pjesës së parë dhe të dytë u zgjat kështu edhe për 20 minuta të tjera, duke e detyruar zërin e stadiumit të përsëriste nga altoparlantët thirrjen për tifozët që të qetësoheshin, me rrezikun që ndeshja të mos riniste dhe skuadra e tyre të sanksionohej.

Pezullimi përfundimtar: në tribuna nis rrahja barabare

Minuta tensioni që shumë shpejt u shndërruan në tragjedi: Indipendiente dhe Universidad u rikthyen në fushë, por vetëm për tre minuta. Ndeshja u ndërpre sërish dhe më pas u pezullua përfundimisht, ndërsa në tribuna shpërtheu ferri. Reagimi i tifozëve argjentinas ishte i tmerrshëm: sulme të dhunshme me shufra hekuri, rripa, shqelma e grushta. Askush nuk u kursye: disa kilianë u detyruan fillimisht të zhvesheshin, për t’u rrahur më pas barbarisht. Disa kërkuan strehë duke pushtuar fushën, të tjerë zgjodhën zbrazëtinë e tribunave vetëm për t’u shpëtuar.

Bilanci i tmerrshëm pas incidenteve: qindra arrestime, dhjetëra të plagosur

Bilanci është i tmerrshëm, edhe pse ende i pjesshëm. Burime pranë policisë argjentinase raportojnë për një valë masive arrestimesh, mbi njëqind persona të ndaluar, kryesisht të përkrahësve ultras të Indipendiente. Burime të tjera flasin madje për mbi 300 tifozë, kësaj here kryesisht kilianë, të ndaluar në Puerto Madero. Nga spitalet e Avellaneda kanë ardhur konfirmime për dhjetëra e dhjetëra shtrime, por askush nuk duket të jetë në rrezik jete, duke mohuar lajmet e para edhe më tragjike që raportonin për të paktën 4 viktima.

Akuzat e ashpra ndaj organizimit: mbi 800 agjentë por askush në sektorin e miqve

Nën akuzë, sigurisht, forcat e rendit dhe të sigurisë brenda stadiumit për një ndeshje që gjithmonë është konsideruar me rrezik të lartë incidentesh. Brenda impiantit kishte mbi 800 agjentë, por asnjë prej tyre nuk ishte pozicionuar paraprakisht në sektorin e miqve, duke lënë dy tifozeritë në kontakt: “Sa herë që vijmë këtu ndodh diçka… nuk duan t’i vendosin tifozët e U mbi ata të Indipendiente. Të gjithë kanë probleme këtu ndaj nesh”, tha Daniel Schapira, drejtues i U. “Është bërë një cirk i zymtë: kishim vetëm 3.500 bileta dhe organizimi u konfirmua absolutisht i papërshtatshëm. Tani kërkojmë që drejtësia të ndjekë deri në fund rrugën e vet.”

Të këshilluara

ide

MOTI TIRANA

29°c

KËMBIMI EURO

94.22

aktuale

Ndiqe Lapsin edhe në

Me interes nga publiku

Me sytë katër

SPORT

Të tjerë artikuj

PAPARAZZI